ម៉ូតូ២គ្រឿងបុកគ្នាពេញទំហឹងបណ្តាលឱ្យស្លាប់ម្នាក់ និងរបួសធ្ងន់៣នាក់
Cambodia News/
ភ្នំពេញ ៖កាលពីវេលាម៉ោង ២១ នឹង ០០ នាទីយប់ថ្ងៃទី១៧ ខែកក្កដា ឆ្នាំ២០១៣ មានមនុស្សម្នាក់ស្លាប់នៅកន្លែងកើតហេតុ និង៣នាក់ផ្សេងទៀតរងរបួសធ្ងន់ត្រូវបានរថយន្តសាមុយដឹងយកទៅ សង្គ្រោះភ្លាម ដោយសារតែជិៈម៉ូតូបុកគ្នាពេញទំហឹង នៅចំណុចខាងត្បូងស្តុបណតប្រ៊ិត ជាង ២០០ ម៉ែត្រ ភូមិស្លែងរលើង សង្កាត់ទឹកថ្លា ខណ្ឌសែនសុខ ។
សមត្ថកិច្ចដែលចុះទៅដល់កន្លែងកើតហេតុបានឲ្យដឹងថាបុរសដែល ស្លាប់ក្នុងហេតុការណ៍ដ៏រន្ធត់ខាងលើនេះមានឈ្មោះ សុង សុធា ភេទប្រុស អាយុជាង២០ឆ្នាំ ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុគេបានឃើញ បុរសពីរនាក់ជិៈម៉ូតូមួយគ្រឿងម៉ាកសង់កូរ៉េ ពណ៌ក្រហម ពាក់ស្លាកលេខ ភ្នំពេញ ១AU 6064 ជិៈធ្វើដំណើរ តាមបណ្តោយផ្លូវណតប្រ៊ិត ក្នុងទិសដៅពីជើងទៅត្បូង ដោយបានជិៈក្នុងល្បឿនយ៉ាងលឿនខណៈមកដល់ចំណុចប៉ុស្តិ៍យាម ២៤ ម៉ោង បុរសពីរនាក់ខាងលើនេះបានទាញចង្កូតម៉ូតូបត់ឆ្វេងដៃចូលផ្លូវ បេតុង តែត្រូវយុវជន ពីរនាក់ផ្សេងទៀត ដែលកំពុងជិៈម៉ូតូម៉ាកសេ ១២៥ ពណ៌ខ្មៅ ពាក់ស្លាកលេខ ភ្នំពេញ 1BV 5198 ធ្វើដំណើរតាមបណ្តោយផ្លូវណតប្រ៊ិត ក្នុងទិសដៅពីត្បូងទៅជើងដោយបានជិៈលឿនខ្លាំងណាស់ បានជ្រុលល្បឿនទៅបុកចំម៉ូតូសង់កូរ៉េយ៉ាងពេញទំហឹងតែម្តង បណ្តាលឲ្យម្ចាស់ម៉ូតូសងកូរ៉េម្នាក់ត្រូវបោកក្បាលនឹងថ្នល់ ដាច់ខ្យល់ស្លាប់យ៉ាងអាណោចអាធ័ម នៅនឹងកន្លែងកើតហេតុក្នុងថ្លុកឈាម នឹងម្នាក់ទៀតដែលរួមដំណើរជាមួយ បុរសស្លាប់នេះក៏ត្រូវរងរបួសធ្ងន់ធ្ងរផងដែរ ។ ចំណែកយុវជនជាម្ចាស់ម៉ូតូសេ១២៥ ក៏ត្រូវដួលបោកខ្លួន នឹងបោកក្បាលរបួសធ្ងន់ធ្ងរ ហូរឈាមរហាមផងដែរ ។
ក្រោយពេលកើងហេតុ អ្នករងរបួសត្រូវបញ្ជូនទៅសង្គ្រោះនៅមន្ទីរពេទ្យភ្លាមៗ នឹងសាកសពត្រូវប្រគល់ឲ្យក្រុមគ្រួសារទទួល យកទៅធ្វើបុណ្យតាមប្រពៃណី ចំណែកម៉ូតូរបស់ពួកគេត្រូវបានសមត្ថកិច្ចជំនាញចុះមកវាស់វែងអូស យកទៅ រក្សាទុកនៅការិយាល័យចរាចរជើងគោករាជធានីភ្នំពេញ ៕