កម្ពុជាមិនខ្វល់ពីការសម្រេចរបស់អាមេរិក
Cambodia News/
ភ្នំពេញ ៖ កាលពីព្រឹកថ្ងៃទី១០ ខែកក្កដា ឯកឧត្តមឧបនាយករដ្ឋមន្ត្រី ហោ ណាំហុង រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជាបានមានប្រសាសន៍ប្រាប់ អ្នកសារព័ត៌មាន ថា «អាមេរិក ជួយ ឬមិនជួយវាជារឿងរបស់អាមេរិក អាមេរិកជួយជាសិទ្ធិរបស់អាមេរិក។
ឯកឧត្តមឧបនាយករដ្ឋមន្ត្រី បន្តថា «កម្ពុជាជាប្រទេសឯករាជ្យ អធិបតេយ្យ ចង់អ្នកណាថាអីថាចុះ ប៉ុន្តែសិទ្ធិសម្រេចរបស់កម្ពុជា ស្ថិតនៅក្នុងកណ្តាប់ដៃរបស់ប្រជាពលរដ្ឋកម្ពុជា មានន័យថាសិទ្ធិសម្រេចជោគវាសនាជាតិនីមួយៗ វាស្ថិតនៅលើប្រជាជននៃជាតិនោះ ចង់អ្នកណានិយាយអី អ្នកណាថាអីថាទៅ»។
ឆ្លើយតប ទៅនឹងសំណួររបស់អ្នកសារព័ត៌មាន ថាតើការមិនផ្តល់ជំនួយនោះ ជាការដាក់សំពាធ ជាប់ពាក់ព័ន្ធលោក សម រង្ស៊ី ដែរឬយ៉ាងណា? ឯកឧត្តម ឧបនាយករដ្ឋមន្ត្រី ហោ ណាំហុង ក្នុងនាមប្រមុខការទូតកម្ពុជាផងនោះ បានបញ្ជាក់ថា ចង់អាមេរិកយកលេសអីក៏យកទៅស្រេចលើអាមេរិកសម្រេច។
ចំពោះករណីលោក សម រង្ស៊ី ឯកឧត្តមឧបនាយករដ្ឋមន្ត្រី ហោ ណាំហុង បានអះអាងថា«ពេលលោក សម រង្ស៊ី ចេញទៅក៏អត់អ្នកណាដេញ ពេលលោក សម រង្ស៊ី ត្រឡប់មកវិញ ក៏អត់អ្នកណាឃាត់»៕
