ខ្វះអនាម័យអាចបណ្តាលឲ្យរលាកតំរងនោម
Cambodia News
សុខភាព៖ គេទទួលស្គាល់ថា ស្ត្រីភេទពិតជាជួបផលលំបាកច្រើន ជាពិសេសនៅពេលធ្វើដំណើរផ្លូវឆ្ងាយ គឺច្រើនជួបនឹងបញ្ហារឿង បន្ទប់ទឹកគ្មានអនាម័យ ។ ទាំងអស់នេះ គឺជាក្តីព្រួយបារម្ភរបស់ស្ត្រី ព្រោះអវយវៈភេទរបស់ស្ត្រីងាយនឹងឆ្លងរោគច្រើនជាងបុរស ។
មូលហេតុដែលសំខាន់ គឺបំពង់ទឹកម៉ូត្ររបស់ស្ត្រីមានលក្ខណៈខ្លី ជាងបុរស ទើបជាឱកាសដ៏ល្អធ្វើឱ្យមេរោគងាយឆ្លងចូលទៅកាន់តម្រង នោមបានយ៉ាងលឿនបំផុត ។ ក្នុងករណីប្រសិនបើកើតមានអាការ រលាកដោយសារឆ្លងមេរោគ គឺបណ្តាលឱ្យឈឺពោះខ្មួលៗនៅពេល បត់ជើងតូច ជាពិសេសគឺឈឺផ្សាខ្លាំងនៅពេលបញ្ចប់ការនោម ។
ក្រៅពីនេះក៏នៅមានអាការឈឺបត់ជើងញឹកញាប់ផងដែរ លក្ខណៈបែបនេះ ប្រសិនបើទុកបណ្តោយឱ្យយូរ អាចនឹងឆ្លងរាល ដាលរហូតទៅដល់រលាកតម្រងនោមទាំងមូលបាន ។ មធ្យោបាយ ដ៏ល្អបំផុត ស្ត្រីគួរចេះមើលថែទាំខ្លួនឯងឱ្យបានល្អ ដោយការសម្អាត អនាម័យនៅត្រង់អវយវៈភេទឱ្យបានរាល់ថ្ងៃ ជាពិសេសក្រោយពេល បត់ជើងធំរួច គឺមិនគួរជូត ឬលាងទ្វារធំបញ្ច្រាសមកខាងមុខទេ ពីព្រោះការធ្វើបែបនេះ វាអាចចម្លងមេរោគពីទ្វារធំទៅកាន់ អវយវៈភេទបានយ៉ាងងាយបំផុត ។
ប្រសិនបើអាចធ្វើទៅបាន គួរជ្រើសរើសឈុតដែលផលិតពី សាច់កប្បាស និងមានទំហំមិនចង្អៀតពេក ព្រមទាំងព្យាយាម ទទួលទានទឹកឱ្យបានច្រើនខណៈពេលមានអារម្មណ៍ថា ការបត់ជើង តូចវាដំណើរការរអាក់រអួលនោះ ៕ វត្តី