អ្នកប្រើហ្វ៊េសប៊ុករិះគន់តារា ដែលចូលរួមឃោសនារកសំទ្បេងឆ្នោត
Cambodia News
ភ្នំពេញ៖ មន្ត្រីសង្គមស៊ីវិល អ្នកប្រើបណ្តាញសង្គមហ្វ៊េសប៊ុក (Facebook) និងប្រជាពលរដ្ឋមួយចំនួន នៅរាជធានីភ្នំពេញ ចាប់ផ្តើមរិះគន់អ្នកសិល្បៈ ដែលសម្តែងរឿងរិះគន់គណបក្សនយោបាយ និងចូលរួមឃោសនារកសំទ្បេងឆ្នោតឲ្យគណបក្សកាន់អំណាច។
ការរិះគន់នេះធ្វើទ្បើង បន្ទាប់ពីពួកគាត់ឃើញតារាចម្រៀង និងក្រុមតារាកំប្លែងមួយចំនួន បានសម្តែង រិះគន់គណបក្សសង្គ្រោះជាតិ ដែលជាគណបក្សប្រឆាំង ហើយបានចេញមុខឃោសនា ដោយពាក់មួក និងអាវរបស់គណបក្សប្រជាជនកម្ពុជា។
ការចូលរួមនេះ អាចនឹងប៉ះពាល់ប្រជាប្រិយភាពរបស់ពួកគេ ព្រោះក្រុមតារាទាំងនោះបានល្បី ដោយសារការគាំទ្រពីសំណាក់សាធារណជន។ តាមច្បាប់កំពូលរបស់ប្រទេស គឺច្បាប់រដ្ឋធម្មនុញ្ញ អត់មានអ្វីខុសទេ សិទ្ធិសេរីភាពក្នុងការចូលរួមរបស់ពលរដ្ឋកម្ពុជា ក្នុងគណបក្សនយោបាយ។
សម្រាប់អ្នកប្រើប្រាស់ បណ្តាញសង្គមហ្វ៊េសប៊ុក បានបង្ហាញពីអារម្មណ៍ និងការយល់ឃើញ របស់ពួកគេ ដោយផុសរូបក្រុមតារាមួយចំនួន ហើយរិះគន់ថា ក្នុងនាមជាតារាដែលទទួលការគាំទ្រពីសាធារណជន មិនគួរចេញមុខឃោសនាឲ្យគណបក្សនយោបាយណាមួយនោះទេ៕ ដោយ៖ ហេង នាង
