ជួលសនិ្តសុខមកយាម បែរជាហៅបក្ខពួកមកប្លន់
ភ្នំពេញ៖ កាលពីវេលាម៉ោង៩:៣០នាទីយប់ថ្ងៃទី៣ ខែមករា សន្តិសុខម្នាក់ រួមជាមួយបក្ខ ពួក៣នាក់ទៀត បានចាប់ចង និងវាយខ្នោះដៃបុរសជាប្តី រួចឱ្យប្តីប្រពន្ធដោះ គ្រឿង អលង្ការ និងប្រមូល លុយរួមទាំងទូរស័ព្ទដៃអស់ហើយ ទើបពួកគេនាំគ្នារត់គេចខ្លួន។
ហេតុការណ៍នេះ បានកើតឡើងនៅក្នុងក្រុមហ៊ុនអារ៉ាហ្កន វើលដ៏៥៤ខូអិលធីឌី ស្ថិតនៅ តាមបណ្តោយផ្លូវ ២៧១ ក្នុងភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ។
ជនរងគ្រោះឈ្មោះគា ទ្រី អាយុ២៩ឆ្នាំជាប្តី ជនជាតិខ្មែរ ត្រូវបានរងរបួសដៃស្តាំដោយត្រូវ គេចាក់និង របួសជាំពេញ ខ្លួន ហើយឈ្មោះសុខ កញ្ញា អាយុ៣៤ឆ្នាំ ជនជាតិថៃជាប្រពន្ធ និងជាអ្នកគ្រប់គ្រង ក្រុមហ៊ុនខាងលើមិនត្រូវរបួសនោះទេ។
ក្រោយពេលកើតហេតុជនរងគ្រោះបានទូរស័ព្ទឱ្យសម្ថកិច្ចជួយអន្តរាគមន៍ ។ ទោះបែបណាក្រុមចោរ បាន ដោះអាវសន្តិសុខម៉ាកយីហោ M P S ដំបង និងខ្សែក្រវាត់ទុកនៅកន្លែងគិតលុយ របស់ក្រុមហ៊ុន ថែមទៀតផង ។ បើតាមជនរងគ្រោះ ប្រាប់នគរបាលឱ្យដឹងនោះ សន្តិសុខជាចោរប្លន់ ខាងលើនេះ ទើបតែមកយាមនៅក្រុមហ៊ុននេះបានចំនួន២ថ្ងៃប៉ុណ្ណោះ ក៏រៀបចំគម្រោងប្លន់ អ្នកគ្រប់គ្រងក្រុមហ៊ុននេះតែម្តង ៕
