ពលរដ្ឋបឹងកក់យកញ្ញត្តិទៅដាក់នៅខុទ្ទកាល័យលោក ហ៊ុន សែន
នៅថ្ងៃទី០២ ឧសភា ២០១២ វេលាម៉ោង ៩ និង២០នាទីព្រឹក ប្រជាពលរដ្ឋបឹងកក់ជាច្រើននាក់ បានផ្ទុះការតវ៉ាកាន់ខ្លាំង ដោយនាំគ្នាដង្ហែក្បួនទៅកាន់ម្តុំភូមិគ្រឹះលោកនាយករដ្ឋមន្រ្តីហ៊ុន សែន នៅខាងជើងវិមានឯករាជ្យ។
ការដង្ហែក្បួននេះប្រជាពលរដ្ឋធ្វើឡើងក្នុងគោលបំណងយកញ្ញត្តិទៅដាក់នៅខុទ្ទកាល័យលោក ហ៊ុន សែន ដើម្បីស្វែងរកការអន្តរាគមន៍ ។ ក្នុងការដង្ហែក្បួននេះត្រូវបានកម្លាំងចុះទៅអន្តរាគមន៍ នឹងរារាំងបញ្ចៀសការកកស្ទះចរាចរណ៍ដល់អ្នកដំណើរដទៃទៀត។
នៅក្នុងស្ថានភាពនោះបានបង្កឲ្យមានការប្រឈមមុខដាក់គ្នារវាងកម្លាំងសមត្ថកិច្ច និងក្រុមប្រជាពលរដ្ឋ ប៉ុន្តែមិនបង្កឲ្យមានការប៉ះទង្គិចអ្វីធ្ងន់ធ្ងរនោះទេ ពោលគឺកម្លាំងសមត្ថកិច្ចគ្រាន់តែទប់ រីឯប្រជាពលរដ្ឋនៅតែបង្ខំចិត្តរុលទៅមុខមិនព្រមដកថយឡើយ៕