ក្រសួងធនធានទឹក បញ្ជាឲ្យម្ចាស់កោះពេជ្រ កាយដី ដែលពង្រីកលើសការកំណត់ចេញ
សារព័ត៌មាន Cambodia News/
ភ្នំពេញ (២៩ ឧសភា ២០១៤) ៖ សេចក្តីប្រកាសផ្សព្វផ្យាយ លើគេហទំព័ររបស់ក្រសួង ឲ្យដឹងថា កាលពីព្រឹកថ្ងៃទី ២៨ ខែឧសភា ក្រុមការងារបច្ចេកទេសក្រសួងធនធានទឹក និងឧតុនិយម ដឹកនាំលោក ប៊ុន ហ៊ាន រដ្ឋលេខាធិការក្រសួងធនធានទឹក និងឧតុនិយម បានចុះទៅដល់តំបន់អភិវឌ្ឍន៍កោះពេជ្រ ដើម្បីពិនិត្យមើលស្ថានភាពនៃការចាក់ដីបំពេញតួកោះពេជ្រ។
ក្រោយ ពីការត្រួតពិនិត្យ លោក ចាន់ យុត្ថា នាយកខុទ្ទកាល័យ និងជាអ្នកនាំពាក្យក្រសួងធនធានទឹក និងឧតុនិយម បានបញ្ជាក់ថា ក្រុមហ៊ុនអភិវឌ្ឍន៍កោះពេជ្រ បានចាក់ពង្រីកតួកោះពេជ្រលើសពីអ្វីដែលជាការសម្រេចរបស់រាជរដ្ឋា ភិបាល ។
លោក បានបន្តទៀត ថា កន្លងក្រសួងធនធានទឺក និងឧតុនិយម បានតម្រូវឲ្យក្រុមហ៊ុនធ្វើការ កាយចេញ ហើយតាមការពិនិត្យនៅព្រឹកម៉ិញនេះតំបន់មួយចំនួនត្រូវបានកាយចេញ ហើយ ប៉ុន្តែនៅសល់ផ្ទៃដី ជាងមួយហិកតាទៀត តម្រូវឲ្យធ្វើការ កាយចេញជាបន្តទៀតឲ្យរួចរាល់ជាស្ថាពរ៕
