មនុស្សយន្តជប៉ុននឹងធ្វើដំណើរទៅអាកាស ក្នុងតួនាទីជាមិត្តជជែកលេងជាមួយអវកាសយានិក
មនុស្សយន្តដែលចេះនិយាយជាមួយ មនុស្សមួយ គ្រឿង ដែលនឹងទៅអមដំណើរអវកាសយានិកជប៉ុន និយាយថាការធ្វើដំណើរជុំវិញចក្រវាឡនឹងជាជំហានដ៏ធំមួយសម្រាប់ មនុស្សយន្តនៅគ្រប់ទីកន្លែង។
មនុស្សយន្តឈ្មោះ KIROBO ថ្លែងដូច្នេះទៅកាន់អ្នកសារព័ត៌មាន នៅឯសន្និសីទសារព័ត៌មាន ក្នុងទីក្រុងតូក្យូ។
មនុស្សយន្តនេះ នឹងធ្វើដំណើរទៅក្នុងលំហអាកាសក្នុងតួនាទីជាមិត្តសម្រាប់ជជែក លេងជាមួយ អវកាស យានិក Koichi Wakata ដែលនឹងធ្វើដំណើរទៅដល់ស្ថានីយ៍យានអវកាសអន្តរជាតិនៅក្នុង ឆ្នាំនេះ។
មនុស្សយន្ត KIROBO មានកម្ពស់ ៣៤សង់ទីម៉ែត្រ ទម្ងន់ប្រមាណជា ១គីឡូក្រាម មានបញ្ចូលកម្មវិធីកុំព្យូទ័រប្រព័ន្ធ Android ដើម្បីសន្ទនាជាភាសាជប៉ុន និងរក្សាទុករាល់ការសន្ទនារបស់ខ្លួន ជាមួយលោកអវកាសយា និក Koichi Wakata ៕ (Radio Australia)