គណបក្សសង្គ្រោះជាតិ ផ្តើមហែរក្បួនចេញពីទីលានប្រជាធិបតេយ្យ
Cambodia News
ភ្នំពេញ៖ នាព្រឹកថ្ងៃទី២៧ ខែមិថុនា នេះ គណបក្សសង្គ្រោះជាតិ បានចាប់ផ្តើមថ្លែងសារនយោបាយរបស់ខ្លួន នៅទីលានប្រជាធិបតេយ្យ ដោយមានអ្នកចូលរួមប្រមាណជាង ៣.០០០នាក់ និងមានរថយន្តជាង ១០០គ្រឿង។
អនុប្រធានក្រុមការងារគណបក្សសង្គ្រោះជាតិរាជធានីភ្នំពេញ លោក ហូរ វ៉ាន់ បានឲ្យដឹងថា យុទ្ធនាការឃោសនាដំបូងរបស់គណបក្សសង្គ្រោះជាតិ មានលោកកឹម សុខា នឹងឡើងថ្លែងសារនៅទីលានប្រជាធិបតេយ្យ រួចមកនឹងអាចលោក សម រង្ស៊ី ប្រធានគណបក្ស ថ្លែងតាមវីដេអូខិនហ្វើរិន ពីក្រៅប្រទេស។ ប៉ុន្តែក្នុងករណីពេលវេលាមិនអំណោយផល គឺនឹងហែរក្បួនចេញទៅតែម្តង។
អនុប្រធានក្រុមការងារគណបក្សសង្គ្រោះជាតិរាជធានីភ្នំពេញ បានបញ្ជាក់ថា “ការហែរក្បួននេះ មានគោលបំណង៣ ដោយគោលបំណងទី១- ចែកខិត្តប័ណ្ណ ទី២- ចាក់មេក្រូថ្លែងសារនយោបាយ និងទី៣- ចែករូបភាពគណបក្ស និងពាក្យស្លោក ដើម្បីឲ្យប្រជាពលរដ្ឋកាន់តែស្គាល់ច្បាស់ពីគណបក្សសង្គ្រោះជាតិ៕