ក្រុមមន្ត្រី UNESCO ទៅដល់ប្រាសាទព្រះវិហារ
Cambodia News
ព្រះវិហារ៖ សេចក្ដីរាយការណ៏ពីខេត្ត ព្រះវិហារឲ្យដឹងថា ក្រុមមន្ត្រី នៃអង្គការយូណេស្កូ (UNESCO)ដែលដឹកនាំដោយលោកស្រី អ៊ីរីណា បូកូវ៉ា នាយិការអង្គការយូណេស្កូ បានទៅដល់ប្រាសាទព្រះវិហារហើយ កាលពីម៉ោងប្រមាណជាង១០ ព្រឹកថ្ងៃទី ១៨ ខែ មិថុនា នេះ ។
នៅទីនោះក្រុមគណៈប្រតិភូ នឹង ត្រួតពិនិត្យមើលពីទំហំនៃការខូចខាតប្រាសាទ ដែលបណ្ដាលមកពីការប៉ះទង្គិចគ្នា ដោយអាវុធរវាងទាហានកម្ពុជា និង ថៃ កាលពីអំឡុងឆ្នាំ ២០០៨-២០០៩ រួមទាំងការទៅទស្សនាសារមន្ទីរមត៌ក តេជោ ដែលនៅក្បែរនោះផងដែរ ។
គួរបញ្ជាក់ថា កម្ពុជាបានចុះប្រាសាទព្រះវិហារដែលសាងសង់់នៅសតវត្សរ៏ទី៩របស់ខ្លួន ទៅក្នុងបញ្ជីបេតិកភ័ណ្ឌពិភពលោកកាលពីថ្ងៃទី ០៧ ខែ កក្កដា ឆ្នាំ ២០០៨ ។ ការទាមទារគ្រប់គ្រងប្រាសាទនេះរួមគ្នា ពីសំណាក់ភាគីថៃ ដែលជាប្រទេសភូមិផងរបងជាមួយ បានផ្ដើមឲ្យមានជម្លោះ រហូតឈានដល់ការផ្ទុះអវុធដាក់គ្នា ដែលបណ្ដាលឲ្យមានការស្លាប់និងបួស ហើយជាពិសេសនោះ ការបាក់បែកប្រាសាទ៕
