រឿងអាស្រូវផ្លូវភេទថ្មីមួយទៀតបានធ្វើឲ្យកក្រើកដល់ក្រសួងការពារជាតិអូស្ត្រាលី
រដ្ឋមន្ត្រីការពារជាតិរបស់ អូស្ត្រាលីលោក Stephen Smith បាននិយាយថា កងកម្លាំងការពារជាតិ ចាំបាច់ត្រូវរក្សាកេរ្តិ៍ឈ្មោះរបស់ខ្លួនឲ្យបានខ្ជាប់ខ្ជួន ចៀសវាងពីការចោទប្រកាន់អំពីឥរិយាបថមិនសមរម្យ តាមរយៈការចាត់វិធានការដោះស្រាយចំពោះមន្រ្ដីទាហានណាដែលបានធ្វើ សកម្មភាពមិនគប្បី។
ក្រសួង ការពារជាតិបានបញ្ជាក់អំពីរឿងអាស្រូវផ្លូវភេទកើត ឡើងនៅសប្ដាហ៍នេះ ពាក់ពន្ធ័នឹងការចោទប្រកាន់លើមន្ត្រីការពារជាតិរបស់ខ្លួន ថាបានថតការប្រព្រឹត្ដសកម្មភាពផ្លូវភេទជាមួយស្ត្រីរងគ្រោះ រួចហើយបានចែកចាយរូបទាំងនោះដល់មិត្តរួមការងារតាមអ៊ីមែលទៀត ផង។
ទាហាន៣រូប ត្រូវបានគេផ្អាកពីការងារ និងជាង ៩០រូបផេ្សងទៀត កំពុងឋិតក្នុងការតាមដានស៊ើបអង្កេត។ លោក Smith ក៏បានបញ្ជាក់ថា ក្រសួងការពារជាតិចាំបាច់ត្រូវរក្សាបទដ្ឋានអាកប្បកិរិយារបស់ខ្លួន ឲ្យបានខ្ពស់។
លោក បានបន្ដថា “បើសិនគេមិនបានប្រកាន់ខ្ជប់ខ្ជួននូវបទដ្ឋានការងារនោះទេ ពួកគេនឹងត្រូវប្រឈមនឹងការផ្អាកពីការងារ ហើយទីបំផុតត្រូវបណ្តេញចេញពីការងារទៀតផង។ នេះជាមធ្យោ បាយតែមួយគត់ដែលយើងត្រូវធ្វើ ដើម្បីការពារថែរក្សាកេរ្តិ៍ឈ្មោះទាហានការពារជាតិអូស្ត្រាលីទាំង ពេលបច្ចុប្បន្ន និងអនាគត” ។
យ៉ាង ណាក៏ដោយ លោកអគ្គមេបញ្ជាការកងទ័ពអូស្ត្រាលីលោក David Morrison បានមានប្រសាសន៍ថា ទាហានទាំងឡាយណាដែលយល់ឃើញថា ការមិនផ្តល់តម្លៃដល់ស្ត្រី គឺជារឿងមិនសំខាន់នោះ នឹងត្រូវបណ្តេញចេញពីជួរកងទ័ព។
កន្លងមកទាហានចំនួន ៣រូប បានត្រូវផ្អាកពីការងារ ហើយករណីនេះត្រូវបានបញ្ជូនទៅអគ្គព្រះរាជអជ្ញាប្រទេសអូស្ត្រាលី ដើម្បីធ្វើការតាមដានបន្ថែម៕ (Radio Australia)