រថយន្ត បុករ៉ឺម៉កកង់បី ក្រឡាប់ផ្ងារជើងរបួសធ្ងន់ម្នាក់
Cambodia News
ហេង នាង
ភ្នំពេញ ៖ កាលពីវេលាម៉ោង ២១និង២០ នាទីយប់ថ្ងៃទី១៣ ខែមិថុនា ម៉ូតូរ៉ឺម៉កកង់បី មួយគ្រឿង ត្រូវរងនូវការ ខូចខាតទាំងស្រុង និងបុរសម្នាក់បាន រងរបួសធ្ងន់ធ្ងរ ខណៈត្រូវរថយន្ត មួយគ្រឿង បើកបុកយ៉ាងពេញទំហឹង ស្ថិតនៅតាម បណ្តោយផ្លូវលេខ ២៧១ កែងផ្លូវលេខ៤៣២ សង្កាត់ទួលទំពូងទី២ ខណ្ឌចំការមន។
ប្រភពព័ត៌មានពីប្រជាពលរដ្ឋដែលបានឃើញបានឲ្យដឹងថា មុនពេលកើតហេតុ គេបានឃើញបុរស ម្នាក់វ័យជាង ៣០ ឆ្នាំ បានបើករ៉ឺម៉កកង់បី មួយគ្រឿង ធ្វើដំណើរតាម បណ្តោយផ្លូវលេខ ២៧១ ក្នុងទិសដៅពីត្បូងទៅជើង ដោយបានបើក រេចុះរេឡើង ហាក់បីដូចជា ស្រវឹងស្រា លុះ ជិះមកដល់ចំណុច កើតហេតុ ក៏ស្រាប់តែមាន រថយន្តមួយគ្រឿង ម៉ាកវីហ្គោ ពណ៌ប្រាក់ មិនចាំស្លាកលេខ មួយគ្រឿង បានបើកមកបុករ៉ឺម៉កកង់បី ពេញទំហឹងតែម្តង បណ្តាលឲ្យរ៉ឺម៉កកង់បី ក្រឡាប់ផ្ងារជើងខ្ទេចទាំងស្រុង នឹងអ្នក បើករ៉ឺម៉កត្រូវរថយន្តបុកផ្ងារក្រោយបោកក្បាលនឹង ដែករ៉ឺម៉កកង់បី នឹងបន្តបោកផ្ទប់នឹងថ្នល់ ត្រូវរងរបួសធ្ងន់ ហើយត្រូវសមត្ថកិច្ចហៅរថយន្តសាមុយ មកដឹកយកទៅសង្គ្រោះនៅមន្ទីរពេទ្យភ្លាមៗ។
ក្រោយដឹងថាបើកបុកគេឲ្យរបួសរួចនោះ រថយន្តបង្កបានបើករត់គេចខ្លួនបាត់ស្រមោសតែម្តង ។ ចំណែកជនរងគ្រោះត្រូវបានសមត្ថកិច្ចហៅរថយន្តសាមុយមកដឹកយកទៅសង្ក្រោះ ៕
