ស្ពានអ្នកលឿងបើកសម្ពោធដាក់ឱ្យប្រើប្រាស់ថ្ងៃនេះ (មានវីដេអូ)
សារព័ត៌មាន Cambodia News/
ភ្នំពេញ (០៦ មេសា ២០១៥) ៖ ស្ពានអ្នកលឿង ដែលចាត់ទុកជាស្ពានស្អាត និងវែងជាងគេ នៅកម្ពុជានឹងត្រូវសម្ពោធដាក់ឱ្យប្រើប្រាស់នៅព្រឹកថ្ងៃច័ន្ទ ទី៦ ខែមេសា ឆ្នាំ២០១៥ នេះក្រោមអធិបតីភាពសម្តេច ហ៊ុន សែន ប្រមុខរាជរដ្ឋាភិបាលកម្ពុជា និងតំណាងស្ថានទូតជប៉ុន។ [ អានបន្ត ]
ស្ពានត្សឹបាសាជាស្ពានឆ្លងកាត់ទន្លេមេគង្គមួយដែលវែងជាងគេក្នុងព្រះរាជាណាចក្រ កម្ពុជា ស្ពាននេះ សាងសង់ឡើងតាមរយៈជំនួយឥតសំណងរបស់ជប៉ុន ដោយ ចំណាយទឹកប្រាក់ប្រមាណ១២៧លានដុល្លារ។ ស្ពានត្សឹបាសា ក៏ជាច្រករបៀងដ៏ សំខាន់មួយផងដែរផ្នែកសេដ្ឋកិច្ចនៃភាគខាងត្បូងប្រទេស។
ការសាងសង់ គឺចាប់ផ្តើមពីខែធ្នូ ឆ្នាំ២០១០ ដល់ខែមីនា ឆ្នាំ២០១៥ (៥១ខែ)។ ប្រវែងស្ពានមេ មានប្រវែង៦៤០ម៉ែត្រ កម្ពស់បង្គោលសសរមេ១២១ម៉ែត្រ កម្ពស់តួលេខ៣៧,៥ម៉ែត្រ។ ដូច្នេះប្រវែងសរុបមាន២២១៥ម៉ែត្រ។ ហើយអាចបើកបរ ក្នុងល្បឿង៨០គីឡូម៉ែត្រ ក្នុង១ម៉ោង។
គួរបញ្ជាក់ថា ស្ពាននេះ មានព្រំប្រទល់ជាប់ខេត្តចំនួនពីរ គឺត្រើយខាងលិចស្ថិតនៅភូមិ អំពិលទឹក ឃុំកំពង់ភ្នំ ស្រុកលើកដែក ខេត្តកណ្តាល រីឯត្រើយខាងកើតវិញ ស្ថិត នៅក្នុងភូមិព្រែកខ្សាយ ឃុំព្រែកខ្សាយ «ក» ស្រុកពាមរក៍ ខេត្តព្រៃវែង៕
