ស្ត្រីម្នាក់គាំងបេះដូងសន្លប់ ខណៈតាមទាន់ប្តីនាំស្រីឡើងផ្ទះសំណាក់
Phal Sovann Vathey
Cambodia News
ភ្នំពេញ ៖ កាលពីវេលាម៉ោង១២ និង២០នាទី រំលងអធ្រាត្រឈានចូលថ្ងៃទី៩ មិថុនា ស្ត្រីម្នាក់បានជិះម៉ូតូឌុបស្វែងរកប្ដី ដែលសង្ស័យថា មានស្រីថ្មីក្រៅផ្ទះ ក៏ប្រទះឃើញប្ដីនាំស្រីឡើងផ្ទះសំណាក់«នាងអូន»ស្ថិតនៅតាមបណ្ដោយផ្លូវលេខ៩៥ សង្កាត់ផ្សារដើមថ្កូវ ខណ្ឌចំការមន ធ្វើឱ្យនាងគាំងបេះដូងសន្លប់ស្ដូកស្ដឹងនៅមុខផ្ទះសំណាក់តែម្តង។
ស្ត្រីរូបនេះមិនត្រូវបានគេស្គាល់ឈ្មោះឡើយដោយសារក្រោយ ពីកើតហេតុភ្លាម នាងត្រូវបាននគរបាលប៉ុស្ដិ៍ផ្សារដើមថ្កូវសហការជាមួយ ក្រុមគ្រួសារដឹកតាមរ៉ឺម៉កម៉ូតូយកទៅសង្គ្រោះនៅមន្ទីរពេទ្យ ។
ដោយឡែកបុរសជាប្ដីក៏បានព្យាយាម ជិះម៉ូតូម៉ាកស្ទេប ពណ៌ស ពាក់ស្លាកលេខភ្នំពេញ១AF-៦០៨៧ ដឹកស្រីស្នេហ៍គេចពីផ្ទះសំណាក់ ដោយមិនខ្ចីយកភ្នែកមើលប្រពន្ធកូនខ្ចីដែលសន្លប់នោះឡើយ ៕
