ឥណ្ឌាសន្យាថានឹងចាត់វិធានការបង្រាបក្រុមអ្នកបះបោរ ម៉ៅ និយម
រដ្ឋាភិបាលប្រទេសឥណ្ឌា បានសន្យាថានឹងចាត់វិធានការបង្រាបក្រុម អ្នកបះបោរ ម៉ៅ និយមបន្ទាប់ពីការវាយប្រហារមួយ ដែលបណ្តាលឲ្យប្រជាពលរដ្ឋក្នុងភាគកណ្តាលនៃប្រទេស យ៉ាងតិច២៤នាក់បាត់បង់ជីវិត។
ការ វាយប្រហារ ដោយកាំភ្លើង និងគ្រាប់មីន ទៅលើការហែក្បួននយោបាយនេះ បណ្តាលឲ្យប៉ូលិសយ៉ាងតិច ៥នាក់បាត់បង់ជីវិត រួមជាមួយអ្នកនយោបាយមួយចំនួនទៀតក៏បានស្លាប់ផងដែរ។ ក្នុងចំណោមអ្នកបាត់បង់ជីវិតទាំងនោះក៏មានអ្នកដឹកនាំក្នុងតំបន់ ម្នាក់របស់គណៈ បក្សសមាជជាតិឥណ្ឌាផងដែរ។
អតីតរដ្ឋមន្ត្រីមួយ រូបកំពុងរងរបួស ដែលអាចប៉ះពាល់ដល់ជីវិត។ រីឯប្រធានបក្សសមាជជាតិឥណ្ឌា លោកស្រី Sonia Gandhi មានប្រសាសន៍ថាការវាយប្រហារនេះ មានភាពឃោរឃៅ និងមិនអាចទទួលយកបានទេ។
ការវាយប្រហារដោយក្រុមអ្នក បះបោរម៉ៅនិយមលើកនេះ បានធ្វើឲ្យមានមនុស្សស្លាប់ច្រើនជាងគេបំផុត ក្នុងអំឡុងពេល៣ឆ្នាំនៃការវាយប្រហារដោយក្រុមបះបោរនេះ។ អាជ្ញាធរឥណ្ឌានិយាយថា នឹងនាំខ្លួនអ្នកដែលទទួលខុសត្រូវក្នុងការវាយប្រហារនេះទៅ កាត់ទោសនៅតុលាការ៕ (Radio Australia)