កម្ពុជា-ថៃ បើកកិច្ចប្រជុំពិភាក្សា ពីបញ្ហាឆ្លងដែនខុសច្បាប់
Cambodia News
ភ្នំពេញ៖ នាព្រឹកថ្ងៃទីចន្ទ ទី ២៧ ឧសភា នេះ ក្រសួងការបរទេស នៃ ប្រទេសកម្ពុជា បានផ្ដើមកិច្ចប្រជុំ ជាមួយសមភាគីថៃ ស្ដីពីបញ្ហាសន្តិសុខ នៅតាមព្រំដែន រវាងប្រទេសទាំងពីរ ដែលសំដៅទៅលើករណីឆ្លងដែនខុសច្បាប់ នៅទីស្ដីការក្រសួងការបរទេស ក្រោមអធិបតីភាពរបស់លោក ហោ ណាំហុង រដ្ឋមន្រី្តក្រសួងការបរទេស និង សហប្រតិបត្តិការអន្តរជាតិ ។
កិច្ចប្រជុំដូចគ្នានេះបានធ្វើម្ដងរួចទៅហើយ កាលពីថ្ងៃទី ០៨ ខែ ឧសភា កន្លងទៅ នៅប៉ោយប៉ែត ក្នុងខេត្ត បន្ទាយមានជ័យ បន្ទាប់ពីមានការប្រកាសម្ដងហើយម្ដងទៀត ពីរដ្ឋាភិបាលកម្ពុជា ឲ្យទប់ស្កាត់ចលនាឆ្លងដែនខុសច្បាប់ដ៏គ្រោះថ្នាក់ ពិសេសការឆ្លងដែនទៅកាប់ឈើក្រញូងនៅប្រទេសថៃ ដែលជាញយដងពលករខ្មែរទាំងនោះ បានទទូលរងការបាញ់ប្រហារ ពីសំណាក់ទាហានការពារព្រំដែនរបស់ថៃ ៕
