មីយ៉ាន់ម៉ាចម្លងគំរូពីការប្រយុទ្ធប្រឆាំងនឹងជំងឺគ្រុនចាញ់ស៊ាំនឹងថ្នាំពីកម្ពុជា
ដោយកិច្ចប្រឹងប្រែងក្នុងការពង្រីកនូវគំរូប្រយុទ្ធប្រឆាំង ជំងឺគ្រុនចាញ់ដែលស៊ាំនឹងថ្នាំតាមបណ្តោយព្រំដែនកម្ពុជា នឹងយកទៅអនុវត្តក្នុងប្រទេសមីយ៉ាន់ម៉ា ហើយអ្នកសិក្សាពីការរីករាលដាលជំងឺនៅទីនេះ មានសង្ឃឹមថា ការផ្លាស់ប្តូរនយោបាយនៅប្រទេសថ្មីៗនេះ នឹងបើកផ្លូវឲ្យចម្លងបាននូវភាពជោគជ័យនេះ។
លោកវេជ្ជបណ្ឌិត Steven Bjorge ប្រធាននាយកដ្ឋានជំងឺគ្រុនចាញ់និងជំងឺចម្លងពីសត្វមូសនៃអង្គការ សុខភាពពិភពលោកថ្លែងថា ការបោះផ្សាយការសិក្សារយៈ១០ឆ្នាំ ដែលបញ្ចប់កាលពីឆ្នាំ២០១០ បានទទួលស្គាល់ជាផ្លូវការថា ជំងឺគ្រាន់ចាញ់ដែលស៊ាំនឹងថ្នាំកំពុងតែរាលដាលនៅអាស៊ីអាគ្នេយ៍ ប៉ុន្តែថា ការពិតនេះបានទទួលយកជាច្រើនឆ្នាំហើយ ពីក្រុមអ្នកជំនាញជំងឺគ្រុនចាញ់។
លោកបានបន្តថា មានភស្តុតាងអំពីភាពស៊ាំនឹងថ្នាំនៅតាមព្រំដែនកម្ពុជានិងមីយ៉ាន់ម៉ា ផងដែរ ក៏ដូចនៅខេត្ត Bhin Phouc ប្រទេសវៀតណាម ដែលជាប់ព្រំដែនកម្ពុជា ប៉ុន្តែ លោកមានសុទិដ្ឋិនិយមថា វាអាចទប់ស្កាត់បាន។ យើងអាចទប់ស្កាត់ កាត់បន្ថយ និងលុបបំបាត់ជំងឺគ្រុនចាញ់ តាមកិច្ចអន្តរាគមន៍សុខាភិបាលប្រកបដោយប្រសិទ្ធភាព ដែលអនុវត្តដោយយកចិត្តទុកដាក់និងប្រុងប្រយ័ត្ន៕
