អូស្រ្តាលីជួយច្នៃលាមកជ្រូកទៅជាឧស្ម័នសម្រាប់ចែកចាយសហគមន៍ប្រើប្រាស់
ក្រុមអ្នកវិទ្យាសាស្រ្តមកពីរដ្ឋ អូស្រ្តាលីខាងត្បូង ជាមួយនឹងក្រុមកសិករនៅក្នុងប្រទេសចិនបានបង្កើតបច្ចេកទេសមួយក្នុង ការច្នៃលាមកជ្រូកឲ្យក្លាយទៅជាឧស្ម័នធម្មជាតិ។
មានសេចក្ដីរាយការណ៍ថា ក្នុងឧស្សាហកម្មចិញ្ចឹមជ្រូកនៅក្នុងប្រទេសចិន ធ្វើឲ្យមានលាមកជ្រូកជាង៨លានតោនក្នុងមួយឆ្នាំ ហើយក៏បានបង្កនូវហានិភ័យចម្បងដល់បរិស្ថាន និងសុខភាពទៀតផង។
បច្ចេកវិទ្យាស្រដៀងគ្នានេះ មានប្រើប្រាស់រួចទៅហើយនៅក្នុងប្រទេសអូស្រ្តាលី ប៉ុន្តែអ្នកវិទ្យាសាស្រ្តនិយាយថា វិធីសាស្រ្តដែលគេកំពុងតែសាកល្បងនៅប្រទេសចិន គឺមានប្រសិទ្ធភាពជាង ហើយអាចប្រើប្រាស់បានគ្រប់រដូវ។
ក្រោម បច្ចេកទេសនេះ គឺនឹងផ្ដល់ថាមពលឧស្ម័នបានពីលាមកជ្រូកដើម្បីបំពេញសេចក្ដី ត្រូវការរបស់បណ្ដាសហគមន៍ដែលរស់នៅក្បែរៗកសិដ្ឋានចិញ្ជឹមជ្រូក៕ (Radio Australia)
