យុវជនម្នាក់ត្រូវរថយន្តបុក ហើយកិនបែកក្បាលធ្លាយខួរស្លាប់
Cambodia News
ភ្នំពេញ៖ កាលពីយប់ថ្ងៃទី ១៩ ខែឧសភា វេលាសម៉ោង ២២ និង ៤០នាទី យុវជនម្នាក់ខណៈកំពុងជិះម៉ូតូ ក៏ត្រូវរថយន្តមួយគ្រឿង ដែលបើកបរដោយស្ត្រីម្នាក់ ក្នុងល្បឿនលឿន ជ្រុលបុកពេញទំហឹង ហើយ កិនបែកក្បាលស្លាប់ភ្លាមៗ នៅនឹងកន្លែងកើតហេតុ ស្ថិតនៅចំណុចភូមិរោងចក្រ សង្កាត់ភ្នំពេញថ្មី ខណ្ឌសែនសុខ។
ប្រភពព័ត៌មានពីសមត្ថកិច្ចឲ្យដឹងថា យុវជនដែលស្លាប់ខាងលើនេះ មានឈ្មោះ អ៊ាន រ៉ាត់ អាយុ ២៣ ឆ្នាំមានស្រុកកំណើត ភូមិក្រសាំងកន្ទ្រែ ឃុំជីផុច ស្រុកមេសាង ខេត្តព្រៃវែង ។ ចំណែករថយន្តតាកូម៉ានោះ ពាក់ស្លាកលេខ ក្រចេះ 2A 0383 បើកបរដោយស្ត្រីម្នាក់ ។
សមត្ថកិច្ចជំនាញបានចុះមកធ្វើការវាស់វែង និងអូសរថយន្តបង្កទៅរក្សាទុកនៅការិយាល័យចរាចរណ៍ជើងគោករាជធានី ភ្នំពេញ រង់ចាំដោះស្រាយតាមផ្លូវច្បាប់ ។ ចំណែកសាកសព យុវជនរងគ្រោះ ត្រូវបានសមត្ថកិច្ចប្រគល់ជូនក្រុមគ្រួសារ យកទៅស្រុកកំណើតធ្វើបុណ្យតាមប្រពៃណី ៕ ហេង នាង
