មនុស្សរាប់លាននាក់រងគ្រោះដោយខ្យល់ព្យុះ
មានការព្រមានថានឹងមានមនុស្ស ជាង ៨លាននាក់កំពុងតែប្រឈមមុខរងគ្រោះថ្នាក់ដោយខ្យល់ព្យុះម៉ាហាសែន ដែលកំពុងតែបក់ទៅកាន់ប្រទេសបង់ក្លាដេស មីយ៉ាន់ម៉ា ហើយគេប៉ាន់ស្មានថាខ្យល់នេះនឹងបក់មកដល់ឆ្នេរសមុទ្រនៅថ្ងៃនេះ ឬថ្ងៃស្អែក។
ខ្យល់ព្យុះមហា សែននេះអាចបណ្តាលឲ្យមានខ្យល់កួចរហូត ដល់កម្ពស់បីម៉ែត្រ ហើយមានល្បឿនខ្យល់ដល់ ១០០គីឡូម៉ែត្រក្នុងមួយម៉ោងនៅចំណុចកណ្តាល។
នៅ ប្រទេសបង់ក្លា ដេស និងប្រទេសភូមា អាជ្ញាធរកំពុងធ្វើការជំលៀសប្រជាជនជាច្រើននាក់ខណៈពេលដែល ខ្យល់ព្យុះដ៏ធំនេះកំពុងបក់ទៅកាន់ភាគឥសាននៃឆ្នេរសមុទ្រ Bengal ដែលកំពុងគំរាមកំហែងដល់តំបន់ទាបនៅក្បែរឆ្នេរ។ ប្រទេសបង់ក្លាដេសបានជំលៀសមនុស្សជាង ៧សែននាក់ ហើយភូមាបានជំលៀសមនុស្សជាង ១សែន ៦ម៉ឺននាក់។
ខ្យល់ ព្យុះនឹងបក់កាត់ឆ្នេរសមុទ្រជាប់ព្រំប្រទល់ប្រទេសបង់ក្លាដេស និងភូមា។ នៅឯខេត្ត Rakhine ប្រទេសភូមាឯណោះវិញគេមានការបារម្ភថាជនជាតិភាគតិច Rohingya កាន់សាសនាអ៊ិស្លាមរាប់ពាន់នាក់ដែលកំពុងតែរស់នៅក្នុងជំរំ បន្ទាប់ពីអំពើហិង្សាជនជាតិភាគតិចបានបង្ខំឲ្យពួកគេចាកចេញពី លំនៅដ្ឋាន។ ពួកគេបាននិយាយថា ពួកគេមិនទុកចិត្តអាជ្ញាធរ ឬអ្នកកាន់សាសនាព្រះពុទ្ធទេ ហើយមានការភ័យខ្លាចក្នុងការជំលៀស។ ជនជាតិ Rohingya ចំនួន ៥៨នាក់នៅបាត់ខ្លួននៅឡើយបន្ទាប់ពីគេចាប់បានទូករបស់ពួកគេ ខណៈពេលដែលគេជួយរំដោះទៅកន្លែងទួលសុវត្ថិភាព៕ (Radio Australia)
