បុរសម្នាក់ត្រូវរថយន្តបុកស្លាប់ខណៈកំពុងជិះម៉ូតូ
Cambodia News
ភ្នំពេញ៖ កាលពីវេលាម៉ោង ៥៖៥០នាទីល្ងាចថ្ងៃទី១២ ខែឧសភា បុរសម្នាក់មិន ស្គាល់អត្តសញ្ញាណ បានស្លាប់ភ្លាមៗ នឹងកន្លែងកើតហេតុ ក្រោយពីមាន រថយន្តម៉ាកស៊ីអរវី មួយគ្រឿង បានបើកបុក និងកិនទាំងម៉ូតូ និងជនរងគ្រោះ ស្ថិតនៅតាម ផ្លូវលេខ២៧១ សង្កាត់ទឹកល្អក់ទី១ ខណ្ឌទួលគោក។
សេចក្តីរាយការណ៍ពីកន្លែងកើតហេតុ បានឲ្យដឹងថា មុនពេលកើតហេតុ មានរថយន្តម៉ាក ស៊ីអរវី មួយគ្រឿងពណ៌ សំបកឪឡឹក ពាក់ស្លាកលេខ ភ្នំពេញ2A-3163 បានធ្វើដំណើរតាម ផ្លូវលេខ២៧១ ស្រាប់តែដល់ចំណុច កើតហេតុ ក៏ជ្រុលទៅបុកម៉ូតូ មួយគ្រឿង ពីក្រោយបណ្តាលឲ្យ បុរសម្នាក់ បានស្លាប់តែម្តង។
យ៉ាងណាក៏ដោយ ទាំងអ្នកបើករថយន្ត និងអ្នកបើកម៉ូតូ មិនទាន់ត្រូវបានគេស្គាល់ អត្តសញ្ញាណនោះទេ ហើយក្រោយកើតហេតុ គេបានឃើញសមត្ថកិច្ចមូលដ្ឋាន ចុះទៅជួយអន្តរាគមន៍៕ ហេង នាង
