មានការចាប់ខ្លួនមនុស្ស៣១នាក់ពាក់ព័ន្ធនឹងការប្លន់ពេជ្រដ៏សម្បើមមួយនៅបែលហ្សិក
ការតាមចាប់ជនល្មើសដែលធ្វើឡើង ពាសពេញទ្វីបអឺរ៉ុប ដើម្បីតាមរកជនដែលប្លន់ពេជ្រយ៉ាងច្រើនសម្បើមនៅប្រទេសបែលហ្សិក បាននាំឲ្យមានការចាប់ខ្លួនមនុស្ស៣១នាក់។
កិច្ចប្រតិបត្តិការរបស់ប៉ូលិសដោយមានការសម្រប សម្រួលបានបញ្ចប់ទៅដោយមានការចាប់ខ្លួន មនុស្សចំនួន៣១នាក់នៅប្រទេស បែលហ្សិក ប្រទេសស្វីស និងប្រទេសបារាំង ពាក់ព័ន្ធនឹងការប្លន់មួយនៅអាកាសយានដ្ឋាន Brussels កាលពីខែកុម្ភៈឆ្នាំនេះ។
នៅ ក្នុងកិច្ចប្រតិបត្ដិការប្លន់នោះ មានក្រុមមនុស្សបិទមុខ ហើយប្រដាប់ដោយអាវុធបានឆ្មក់ចូលប្លន់នៅក្នុងយន្តហោះស្វីស មួយគ្រឿង ហើយរត់គេចខ្លួនបាត់ដោយនាំយកទៅជាមួយនូវពេជ្រមិនទាន់ឆ្នៃតម្លៃប្រមាណជា៥០លានដុល្លារ។ យន្តហោះនោះបានត្រៀមខ្លួនបម្រុងនឹងចេញដំណើរហោះឡើងទៅ ក្រុង Zurich ។
បណ្ដា រដ្ឋអាជ្ញានៅបែលហ្សិកនិយាយថា គេយកបានមកវិញពីក្រុមចោរប្លន់នូវត្បូងពេជ្រទាំងនោះ រួមជាមួយនឹងទឹកប្រាក់មួយចំនួនធំនៅប្រទេសបែលហ្សិក៕ (Radio Australia)
