កម្ពុជាគ្រោងបញ្ចេញក្រដាសប្រាក់់ ១០ម៉ឺនរៀល
Cambodia News
ភ្នំពេញ៖ នាពេលដ៏ខ្លីខាងមុខនេះ ក្រុមមន្ត្រីធនាគារជាតិនៃកម្ពុជា បានឲ្យដឹងថា រាជរដ្ឋាភិបាលនឹងប្រកាសឲ្យប្រើប្រាសក្រដាសប្រាក់១០ម៉ឺនរៀលប្រភេទ ថ្មី ដែលម្ខាងមានចារិកព្រះឆាយាល័ក្ខព្រះបរមរតនកោដ្ឋសម្ដេចព្រះ នរោត្តម សីហនុ និង សម្ដេចម៉ែ នរោត្តម មុនីនាថ សីហនុ។
ចំណែកម្ខាងទៀត មានព្រះឆាយាល័ក្ខព្រះបរមរតនកោដ្ឋសម្ដេចព្រះ នរោត្តម សីហនុ សម្ដេច នរោត្តម សីហមុនី និង សម្ដេច ម៉ែ ក្នុងពិធីអភិសេកឡើងគ្រងរាជរបស់សម្ដេចនរោត្តម សីហមុនី ។
នេះជាលើកទីពីរហើយដែលរាជរដ្ឋាភិបាល កម្ពុជា បានសម្រេចបោះពុម្ពក្រដាសប្រាក់ដែលមានភ្ជាប់ព្រះឆាយាល័ក្ខ សម្ដេចព្រះបរមរតនកោដ្ឋ បន្ទាប់ពីព្រះអង្គសោយទីវង្គត ដែលជាផ្នែកនៃការតបស្នងចំពោះឧបការគុណដែលព្រះអង្គមានចំពោះ ជាតិ និង ប្រជារាស្ត្រ ៕
