ការប៉ះទង្គិចរវាងអាជ្ញាធរ និងក្រុមអ៊ិស្លាមបណ្តាលឲ្យមនុស្សស្លាប់ជាច្រើននាក់
យ៉ាងហោចណាស់មានមនុស្ស ២៨នាក់បានបាត់បង់ជីវិត បន្ទាប់ពីនគរបាលនៅក្នុងប្រទេសបង់ក្លាដេសបានធ្វើការបង្រ្កាប ក្រុមអ្នកកាន់សាសនាអ៊ិស្លាមរាប់ពាន់នាក់នៅក្នុងទីក្រុងដាកា។
បើតាមនគរបាលបានឲ្យដឹងថា ក្រុមនគរបាលបានប្រើប្រាស់គ្រាប់បែកសំឡេង កាណុងបាញ់ទឹក ឧស្ម័នបញ្ចេញទឹកភ្នែក និងគ្រាប់កាំភ្លើងជ័រដើម្បីបំបែកក្រុមអ្នកតវ៉ាកាន់សាសនា អ៊ិស្លាមយ៉ាងហោចណាស់ ៧ពាន់នាក់ ដែលធ្វើការតវ៉ាឲ្យមានច្បាប់ថ្មីសម្រាប់ដាក់ទោសទណ្ឌដល់អ្នកដែល ប្រមាថលើសាសនារបស់ខ្លួន។
ក្រុមបាតុករបានប្រើ ប្រាស់ដុំថ្ម ដំបង និងរំពាត់ឫស្សី វាយប្រហារទៅលើក្រុមនគរបាលខណៈពេលដែលក្រុមនគរបាលព្យាយាមបំបែក ហ្វូងបាតុករ។
មានមនុស្សជាង ២០នាក់បានបាត់បង់ជីវិត រួមមានអ្នកដែលត្រូវគ្រាប់កាំភ្លើងជ័រ និងនគរបាលមួយរូបដែលក្រុមបាតុករចាក់នឹងកាំបិតវែង។
មន្ត្រីមន្ទីរ ពេទ្យបានឲ្យដឹងថាមានមនុស្សរាប់រយនាក់ផ្សេងទៀតរងរបួស។ អំពើហិង្សានេះផ្ទុះឡើងកាលពីរសៀលថ្ងៃអាទិត្យ ខណៈដែលក្រុមអ្នកកាន់សាសនាអ៊ិស្លាមបង្កើនការទាមទាររបស់ខ្លួនឲ្យ មានការដាក់ទណ្ឌកម្មធ្ងន់ធ្ងរដល់អ្នកដែលប្រមាថសាសនាអ៊ិស្លាម៕ (Radio Austalia)