ក្មេង ស្ទាវពីរក្រុមដេញកាប់គ្នាបណ្ដាលឲ្យយុវជនម្នាក់រងរបួសធ្ងន់
Cambodia News
ភ្នំពេញ ៖ កាលពីវេលាម៉ោង ២២ នឹង ៤០ នាទីយប់ថ្ងៃទី០៥ ខែឧសភា ក្រុមក្មេងទំនើងពីរក្រុម បានជិះម៉ូតូដេញកាប់គ្នា បណ្ដាលឲ្យយុវជនម្នាក់រងរបួសហូរឈាមស្រោចខ្លួន នៅចំណុចមុខម៉ូឌែល ២ ផ្លូវជាតិលេខ ២ សង្កាត់ចាក់អង្រែក្រោម ខណ្ឌមានជ័យ ។
តាមសេចក្ដីរាយការណ៍ពីកើតហេតុបានឲ្យដឹងថាមុនពេលកើតហេតុ គេសង្កេតឃើញ ក្មេងស្ទាវពីរក្រុមបានជិះម៉ូតូជាច្រើនគ្នាដេញគ្នាកាប់គ្នាតាម បណ្ដោយផ្លូវជាតិលេខ ២ ក្នុងទិសដៅពីត្បូងទៅជើង រហូតមកដល់ចំណុចកើតហេតុខាងលើនេះមានភាគី ម្ខាងបានដួលម៉ូតូ ក៏ត្រូវភាគីម្ខាងទៀតចុះព្រួតគ្នាយកដំបងវាយបែកក្បាល បែកមុខ ហូរឈាមស្រោចខ្លួន។
បន្ទាប់ពីវាយរួចនោះភាគីបង្កបាននាំគ្នាឡើងជិះម៉ូតូរត់គេច ខ្លួនបាត់ស្រមោលតែម្តង ចំណែកបក្ខពួកជនរងគ្រោះក៏បានរត់ចោលយុវជនម្នាក់ដែលកំពុងរងរបួសផង ដែរ ដោយទុកឲ្យយុវជនត្រូវរងរបួសដួលសន្លប់នៅនឹងកន្លែងកើតហេតុ ។
ក្រោយពីកើតហេតុសមត្ថកិច្ចមូលដ្ឋានបានចុះមកអន្តរាគមន៍ នឹងបានហៅរថយន្តសាមុយឲ្យមកដឹងយុវជនរងរបួសទៅសង្គ្រោះនៅ មន្ទីរពេទ្យ ចំណែកម៉ូតូជនរងគ្រោះត្រូវបានសមត្ថកិច្ច អូសយកទៅរក្សាទុកនៅទីស្នាក់ការនគរបាលប៉ុស្តិ៍ចាក់អង្រែក្រោម រង់ចាំជនរងគ្រោះមកដាក់ ពាក្យបណ្តឹងដោះស្រាយយកម៉ូតូត្រឡប់ទៅវិញ ៕ ហេង នាង
