បុរសម្នាក់ត្រូវសម្ថកិច្ចព្រួតវាយរងរបួសធ្ងន់
Cambodia News
ភ្នំពេញ៖ កាលពីវេលាម៉ោង២៣និង៤០នាទីយប់ថ្ងៃទី៣០ ខែមេសា ប្រជាពលរដ្ឋជាច្រើននាក់បានអះអាងថា ឃើញសមត្ថកិច្ច ៣នាក់បានព្រួតវាយទៅលើបុរសម្នាក់បណ្ដាលឲ្យរងរបួស ធ្ងន់ នៅមុខផ្ទះលេខ៨៧៨ យីហោ កែ កិប ស្ថិតនៅតាមណ្ដោយផ្លូវជាតិលេខ៥ស្ថិតក្នុងសង្កាត់ទួលសង្កែ ខណ្ឌឬស្សីកែវ។
ប្រពពត៌មានពីកន្លែងកើតហេតុបានឲ្យដឹងថា បុរសរងគ្រោះខាងលើនេះមានឈ្មោះណាក់ អាយុ២០ឆ្នាំមុខរបររត់ម៉ូតូឌុប ស្នាក់នៅក្នុងសង្កាត់ទួលសង្កែ។
មុនពេលកើតហេតុជនរងគ្រោះបានជិះ ម៉ូតូមួយគ្រឿងម៉ាកវ៉េវពណ៌ក្រហមលាយខ្មៅពាក់ស្លាកលេខភ្នំពេញ 1BF4821 ធ្វើដំណើរតាមបណ្ដោយផ្លូវជាតិលេខ៥លុះមកចំណុចកើតហេតុខាងលើក៏បាន ឈប់ក្នុងបំណងទិញមីឆារ ស្រាប់តែមានបុរស៣នាក់ស្លៀកពាក់ ស៊ីវិលដែលប្រជាពលរដ្ឋស្គាល់ច្បាស់ថាជាសមមត្ថកិច្ចហើយបាន នាំគ្នាមកព្រួតវាយទៅលើបុរសរងគ្រោះបណ្ដាលឲ្យរងរបួសធ្ងន់តែម្ដង ហើយថែមទាំងបានដកហូតយកសោម៉ូតូនិងកាបូបលុយពីជនរងគ្រោះទៀតផង។
ក្រោយពេលកើតហេតុជនរងគ្រោះបានដឹកទៅសង្គ្រោះនៅមន្ទីរពេទ្យ ចំណែក សមត្ថកិច្ច៣រូបដែលបង្កហេតុបានព្យាយាមលាក់មុខមិនចូលខ្លួនចំភ្លឺ រឿងរ៉ាវខាងលើឡើយ៕ ហេង នាង
