ម៉ូតូពីរគ្រឿងបើកបុកគ្នាបណ្តាលឲ្យបុរសបីនាក់រងរបួសធ្ងន់ស្រាល
Cambodia News
ភ្នំពេញ ៖ កាលពីវេលាម៉ោង ២០ នឹង ០០ នាទីយប់ថ្ងៃទី ០១ ខែឧសភា បុរសបីនាក់ត្រូវរងរបួសធ្ងន់ស្រាល ក្នុងខណៈពួកគេជិះម៉ូតូពីរគ្រឿងបញ្ច្រាសទិសគ្នា ក្នុងល្បឿនលឿន ហើយជ្រុលបុកគ្នាពេញទំហឹងនៅចំណុចជិតស្ពានទួលពង្រ តាមបណ្តោយផ្លូវលំ ភូមិម័ល សង្កាត់ដង្កោ ខណ្ឌដង្កោ ។
ប្រភពព័ត៌មានពីសមត្ថកិច្ចបានឲ្យដឹងថា ហេតុការណ៍នេះបង្កឡើងដោយសារ បុរសពីរនាក់ ទី១ ឈ្មោះ សាន សិច អាយុ ៤០ ឆ្នាំ នឹងម្នាក់ទៀតឈ្មោះ តាក់ អាយុជាង ២០ ឆ្នាំ បានជិះម៉ូតូមួយគ្រឿងម៉ាកសងចិន ៩៨ ពណ៌ខ្មៅ ពាក់ស្លាកលេខ កំពត 1A 7460 ជិះក្នុងទិសដៅពីកើតទៅលិច តាមបណ្តោយផ្លូវទួលពង្រ ក្នុងល្បឿនយ៉ាងលឿន ខណៈជិះដល់ចំណុច កើតហេតុ ខាងលើនេះក៏ស្រាប់តែជ្រុលបុកជាមួយយុវជនម្នាក់ ឈ្មោះ ហួន នាង អាយុ ២០ ឆ្នាំ កំពុងជិះម៉ូតូម៉ាក សេ ១២៥ ពណ៌ខ្មៅ ស៊េរី២០០៨ ពាក់ស្លាកលេខ កំពង់ឆ្នាំង 1B 0840 បញ្ច្រាសទិសគ្នា បណ្តាលឲ្យបុរសឈ្មោះ តាក់ ត្រូវរងរបួសបោកក្បាលទៅនឹងថ្នល់សន្លប់ នឹងពីរនាក់ទៀតរងរបួសស្រាល។
ក្រោយពីកើតហេតុជនរងគ្រោះត្រូវបញ្ជូនទៅ សង្គ្រោះនៅមន្ទីរពេទ្យ នឹងម៉ូតូរបស់ជនរងគ្រោះ ត្រូវសមត្ថកិច្ចអូសយកទៅរក្សាទុកនៅអធិការដ្ឋាននគរបាលខណ្ឌដង្កោរង ចាំដោះស្រាយតាមផ្លូវច្បាប់៕ ហេង នាង
