សមត្ថកិច្ចសាកសួរមនុស្ស៥នាក់រឿងស្លាប់នាយិកាសាលាជនជាតិសិង្ហបូរី
Cambodia News
នៅព្រឹកនេះ ក្រុមនគរបាល និងមន្រ្តីអាវុធហត្ថបានឃាត់បុរសចំនួន៥នាក់ដែលជាជាងសំណង់មកសាកសួរទាក់ទិននឹងការស្លាប់ក្នុងថ្លុកឈាមរបស់ស្រ្តីជនជាតិសិង្ហបូរីជានាយិកា អនុវិទ្យាលយ័អន្តរជាតិក្តីសង្ឍឹមនៅខេត្តកំពុងស្ពឺ។
ស្រ្តីរងគ្រោះឈ្មោះ វ៉ែន ជឺអ៊ឹង អាយុ៤៥ឆ្នាំ ស្នាក់នៅកន្លែងកើតហេតុបានត្រូវបានគេប្រទះឃើញនៅវេលាព្រឹកកាលពី វេលាម៉ោង៧និង ៤៤នាទី ថ្ងៃ ទី៣០ខែមេសាឆ្នាំ២០១៣ នៅក្នុងភូមិញរ សង្កាត់កណ្តោលដុំ ក្រុងច្បារមនខេត្តកំពង់ស្ពឺ។
មន្រ្តីសមត្ថកិច្ចមិនទាន់បង្ហើបឲ្យដឹងពីមូលហេតុដែលនាំឲ្យមានមរណភាពនេះនៅឡើយទេ ហើយក៏មិនទាន់បានបង្ហាញពីអត្តសញ្ញាណពិតរបស់បុរសទាំង៥នាក់នោះដែរ ប៉ុន្តែបានឲ្យដឹងថា ពួកគេបានធ្វើជាកម្មករនៅសាលារៀននោះ។
សាក្សីមួយចំនួនបាននិយាយថា ស្រ្តីរងគ្រោះជាមនុស្សស្លូតបូត ហើយមិនសូវនិយាយច្រើនដែរ ហើយប្តីរបស់ជនរងគ្រោះនៅប្រទេសសិង្ហបូរីបានវិលមកកម្ពុជាវិញដោយតក់ក្រហល់ នៅពេលបានដឹងថា ភរិយារបស់ខ្លួនបានស្លាប់យ៉ាងសង្វេកបែបនេះ៕
