ការការពារសិទ្ធិមនុស្សត្រូវបានលើកឡើងក្នុងវេទិកាអាស៊ាន
កាលពីថ្ងៃទី២៨ មីនា ២០១២ នៅក្នុងពិធីបើកវេទិកាប្រជាជនអាស៊ាននៅសាលសន្និសីទចតុមុខក្នុង រាជធានីភ្នំពេញ ការការពារសិទ្ធិមនុស្ស ជាពិសេសសិទ្ធិពលករចំណាកស្រុករបស់កម្ពុជាដែលទៅធ្វើការនៅ ប្រទេសម៉ាឡេស៊ី ត្រូវបានទទួលបានការយកចិត្តទុកដាក់កាលពីថ្ងៃម្សិលមិញសម្រាប់ការពិភាក្សា។
វេទិកាប្រកួតប្រជែងមួយនៃសន្និសីទសង្គមស៊ីវិលអាស៊ាន និងវេទិកាប្រជាជនអាស៊ាន នឹងចាប់ផ្តើមនៅថ្ងៃនេះ នៅសណ្ឋាគារ ឡាក់គី (Lucky Hotel) ក្នុងរាជធានីភ្នំពេញ។
ថ្លែងនៅក្នុងវេទិកានេះកាលពីម្សិលមិញ លោក សេង សក្កា អគ្គនាយកនៃក្រសួងការងារ និងបណ្តុះបណ្តាលវិជ្ជាជីវៈ បាននិយាយថា រដ្ឋាភិបាល នឹងមើលទៅអាស៊ានខណៈខ្លួនកំពុងធ្វើការងារធ្វើឲ្យប្រសើរឡើងនូវ លក្ខខណ្ឌសម្រាប់ប្រជាជនកម្ពុជាដែលទៅធ្វើការនៅប្រទេសដទៃ។
លោកបានបន្តថា យើងសង្ឃឹមថា អាស៊ាន នឹងអភិវឌ្ឍយុទ្ធសាស្រ្តមួយដើម្បីនាំមកនូវអនុស្សរណៈនៃការ យោគយល់គ្នាមួយឲ្យបានឆាប់ៗលឿនជាងមុន ដើម្បីធានានូវសិទ្ធិ សុវត្ថិភាព និងលក្ខខណ្ឌការងារល្អសម្រាប់កម្មកររបស់យើង។
កញ្ញា ចក់ សុភាព មកពីមជ្ឈមណ្ឌលសិទ្ធិមនុស្សកម្ពុជា បាននិយាយថា វេទិកានេះគឺជាឱកាសមួយដើម្បីប្រាប់ទៅមេដឹកនាំអាស៊ានអំពី អ្វីដែលប្រជាជនចង់បាន ពេលនោះយើងនឹងមានឱកាសលើកឡើងនូវក្តីបារម្ភជាច្រើន ហើយយកក្តីបារម្ភទាំងនោះ ទៅកិច្ចប្រជុំកំពូលអាស៊ាន។
លោក សំ រ៉ាវី ម៉ាលីវ៉ាន់ ជានិស្សិតម្នាក់ ក្នុងចំណោមនិស្សិតដែលបានចូលរួមនៅក្នុងវេទិកាកាលពីម្សិលមិញ មានការសសើរចំពោះវេទិកានេះដោយនិយាយថា ខ្ញុំគិតថា នេះគឺជាឱកាសដ៏ល្អបំផុតមួយដើម្បីចែករំលែកក្តីបារម្ភទៅកាន់បណ្តាប្រទេសជាសមាជិកអាស៊ាន៕