ស្រវឹងស្រាជិះម៉ូតូទៅបុករបាំងដែកចែកទ្រូវផ្លូវរបួសធ្ងន់ពីរនាក់
Cambodia News
ភ្នំពេញ៖ កាលពីវេលាម៉ោង២១និង៤០យប់ថ្ងៃទី២៤ ខែមេសា យុវជនពីរនាក់បានរងរបួសយ៉ាងធ្ងន់ធ្ងរដោយសារជិះម៉ូតូ ជ្រុលទៅបុករបាំងដែកចែកទ្រូវផ្លូវសហព័ន្ធរស្ស៊ីត្រង់ចំណុចមុខ ផ្សារពោធិ៍ចិនតុង ស្ថិតក្នុងសង្កាត់ កាកាប ខណ្ឌពោធិ៍សែនជ័យ ។
តាមប្រភពព័ត៌មានកន្លែងកើតហេតុបានឲ្យដឹងថា មុនពេលកើតហេតុយុវជនទាំងពីរនាក់បានជិះម៉ូតូវីវាពណ៌ខ្មៅ ពាក់ស្លាកលេខ ភ្នំពេញ 2c 3396 ធ្វើដំណើរតាម បណ្តោយផ្លូវសហព័ន្ធរស្ស៊ីក្នុងទិសដៅពីកើតទៅលិច លុះដល់ចំណុចខាងលើក៏ជ្រុលទៅបុករបាំងដែកចែកទ្រូវផ្លូវរងការខូត ខាតបាក់អស់ក្បាលបង្គោលរបាំងដែកមូលៗចំនួនប្រាំបង្គោល។
ក្រោយកើតហេតុ ម៉ូតូបង្កហេតុខាងលើនេះត្រូវសមត្ថកិច្ចចុះវាស់វែងដកយកទៅរក្សាទុកនៅ អធិការដ្ឋាននគរបាលខណ្ឌពោធិ៍សែនជ័យដើម្បីចាត់ការតាមច្បាប់។ ចំណែកយុវជនរងគ្រោះទាំងពីរនាក់ត្រូវបញ្ចូនទៅសង្គ្រោះនៅមន្ទីរពេទ្យព្រះ កុសុមះតភ្លាមៗដោយមិនអាចស្គាល់អត្តសញ្ញាណបានឡើយ៕ ហេង នាង
