អ្នកផ្សាយវិទ្យុហ្វ៊ីលីពីនមួយរូបត្រូវគេបាញ់សម្លាប់

ប៉ូលិស ហ្វ៊ីលីពីនបានឲ្យដឹងថា ក្រុមជនប្រដាប់អាវុធបានបាញ់សម្លាប់អ្នកផ្សាយវិទ្យុមួយរូបនៅ ក្នុងខេត្តមានទំនាស់ស្ថិតនៅភាគខាងត្បូងនៃប្រទេស។

ប៉ូលិសនិយាយថា បុរសពីរនាក់ជិះម៉ូតូមួយគ្រឿងបានបាញ់សម្លាប់លោក Mario Baylosis Vendiola ជាពិធីករក្នុងកម្មវិធី D-X-L-M នៅក្នុងទីប្រជុំជន Kabasalan នៅលើកោះ Mindanao ក្នុងប្រទេសហ្វ៊ីលីពីន។

ប៉ូលិស បានឲ្យដឹងថា ជនរងគ្រោះគឺជាពិធីករនៃកម្មវិធីកំសាន្តមួយ ហើយគេមិនទាន់ដឹងពីមូលហេតុនាំឲ្យមានការបាញ់ប្រហារនេះនៅឡើយ ទេ។