រថយន្តកុងតឺន័របើកបុកកិនម៉ូតូខ្ទេចមួយកំណាត់ខាងក្រោយ
Cambodia News
ភ្នំពេញ ៖ កាលពីវេលាម៉ោង៣ទៀបភ្លឺថ្ងៃទី១១ មេសា រថយន្តកុងតឺន័រមួយគ្រឿងបានបើកទៅបុកម៉ូតូពី ក្រោយកិនពីលើខ្ទេចមួយកំណាត់ខាងក្រោយ សំណាងល្អអ្នកជិះម៉ូតូ៣នាក់លោតចេញពីម៉ូតូទាន់ ហេតុការណ៍នេះកើតឡើងនៅ ចំណុចព្រំប្រទល់សង្កាត់ចោមចៅ និងសង្កាត់ស្ទឹងមានជ័យ តាមផ្លូវវេងស្រេងកែងផ្លូវដួងងៀប ខណ្ឌពោធិ៍សែនជ័យ។
ប្រភពព័ត៌មានបានឲ្យដឹងថា រថយន្តកុងតឺន័រ ពណ៌ត្រួយចេក បើកតាមផ្លូវវេងស្រេង ក្នុងទិសដៅពីលិចទៅកើតស្របគ្នាជាមួយម៉ូតូគុបជ្រុង៥០ ពណ៌ទឹកប្រាក់ជិះគ្នា៣នាក់ ជាយុវជន ខណៈមកដល់ចំណុចខាងលើរថយន្តបើកលឿនពេកក៏ជ្រុលទៅបុកពីក្រោយម៉ូតូគុបជ្រុង ពេញទំហឹង តែសំណាងល្អអ្នកជិះម៉ូតូទាំង៣នាក់លោតចេញពីលើម៉ូតូទាន់ បណ្តាលឱ្យដួលរយះដៃជើង ចំណែកម៉ូតូត្រូវរថយន្តកិនពីលើខ្ទេចផ្នែកខាងក្រោយ ។
ក្រោយពេលកើតហេតុអ្នកបើកបររថយន្តភ័យស្លន់ស្លោស្មានតែកិនមនុស្សស្លាប់នៅកន្លែងកើតហេតុបានរត់គេចខ្លួនបាត់ស្រមោល ៕ ហេង នាង
