បត់រថយន្តចូលក្រសួង រៀបចំដែនដី បុកអ្នកជិះម៉ូតូពីរនាក់របួសធ្ងន់
Cambodia News
ភ្នំពេញ៖ កាលពីវេលាម៉ោង ២២និង៣០នាទីយប់ ថ្ងៃទី០៨ ខែមេសា បុរសពីរនាក់បានរងរបួសធ្ងន់ ដោយសារថយន្តស៊ីអរវី ពណ៌ទឹកប្រាក់ ពាក់ស្លាកលេខបណ្ដោះអាសន្ន ៤៨២៣ បុក ខណៈកំពុងជិះម៉ូតូ នៅលើកំណាត់ផ្លូវព្រះមុនីវង្ស សង្កាត់បឹងត្របែក ខណ្ឌចំការមន។
ជនរងរបួសទាំងពីរនាក់ខាងលើនេះ ត្រូវបញ្ជូនទៅសង្គ្រោះនៅមន្ទីរពេទ្យភ្លាមៗ ដោយមិនទាន់ស្គាល់អត្តសញ្ញាណនៅឡើយទេ។
មុនកើតហេតុ អ្នករងគ្រោះទាំងពីរនាក់ ជិះសេគុបជ្រុង ពណ៌ទឹកប៊ិច ធ្វើដំណើរតាមបណ្ដោយផ្លូវមុនីវង្ស ក្នុងទិសដៅពីជើងទៅត្បូង ហើយរថយន្តស៊ីអរវី ដែលបើកបរតាមបណ្ដោយផ្លូវមុនីវង្ស ទិសដៅពីត្បូងទៅជើង ហើយបត់ចូលក្រសួងរៀបចំដែនដី រួចបុកអ្នកជិះម៉ូតូទាំងពីរនាក់រងរបួសធ្ងន់តែម្តង៕ ហេង នាង
