ទៅឃាត់ប្ដីប្រពន្ធគេកុំ ឲ្យឈ្លោះគ្នាត្រូវបុរសជាប្ដីកាប់រងរបួសធ្ងន់
Cambodia News
ភ្នំពេញ៖ កាលពីវេលាម៉ោង១៧និង៣០ល្ងាចថ្ងៃទី០៩ ខែមេសា នៅចំណុចផ្ទះលេខ២៣ក្រុមទី៧ សង្កាត់បឹងសាឡាង ខណ្ឌ ទួលគោក បុរសម្នាក់ ត្រូវបុរសម្នាក់ផ្សេងទៀតកាប់ បណ្ដាលឲ្យរងរបួសធ្ងន់ធ្ងរត្រូវបញ្ជូនទៅសង្គ្រោះនៅមន្ទីពេទ្យ
បុរសរងគ្រោះខាងលើមានឈ្មោះចាន់ ស៊ីណាក់ អាយុ២៤ឆ្នាំ មានបុរបរជាអ្នកបើកឡានឈ្នួល និងមានទីលំនៅផ្ទះជួលកន្លែងកើតហេតុខាងលើ។
ឈ្មោះចាន់ ស៊ីណាក់ ត្រូវឈ្មោះកុល ហៅអាគោកាប់និងដាវសាម៉ូរៃជាច្រើនកន្លែងខណៈដែលឈ្មោះចាន់ ស៊ីណាក់ទៅឃាត់ឈ្មោះគោកុំឲ្យទាស់ទែងនិងប្រើអំពើហិង្សាលើ ប្រពន្ធ។
ក្រោយកើតហេតុបុរសរងគ្រោះត្រូវបញ្ជូនទៅសង្គ្រោះនៅមន្ទីរពេទ្យចំណែកឯឈ្មោះគោបានរត់គេចខ្លួនបាត់៕ ហេង នាង
