ហ្វ៊ីលីពីនតាមដានលូយគេចពន្ធរបស់កូនស្រ្តីច្បងនៃអតីតប្រធានាធិបតីផ្ដាច់ការនិងពុករលួយ
កូនស្រីច្បងរបស់លោក Ferdinand Marcos ជាអតីតប្រធានាធិបតីផ្ដាច់ការរបស់ប្រទេសហ្វ៊ីលីពីន បានត្រូវគេដាក់ឈ្មោះនៅក្នុងបញ្ចីសម្រាប់តាមដានអំពើគេចពន្ធនៅ ជុំវិញពិភពលោក។
អ្នកស្រី Maria Imelda Marcos Manotoc ដែលគេគ្រាន់តែហៅខ្លីថា Imee Marcos នោះគឺជាអភិបាលនៃខេត្ត Ilocos Norte របស់ប្រទេសហ្វ៊ីលលីពីន។
ក្រុម អ្នកកាសែតស៊ើបអង្កេត អន្តរជាតិ ដែលមានសមាជិករបស់ខ្លួនបានរកឃើញថា បណ្ដាញជាសកលនៃការគេចវេសពន្ធនោះ និយាយថា លោកស្រី Imee Marcos ត្រូវគេជឿថាមានប្រាក់តម្កល់ដោយសម្ងាត់នៅឯប្រទេសប្រជុំកោះដែល ហៅថា British Virgin Islands ស្ថិតនៅក្នុងដែនសមុទ្រ Caribbean។
មជ្ឈមណ្ឌល អ្នកអង្កេព័ត៌មានរបស់ហ្វ៊ីលីពីននិយាយថា លោកស្រី Imee Marcos រួមជាមួយនឹងកូនប្រុសបីនាក់របស់លោកស្រី គឺជាអ្នកទទួលកេរ្ដិ៍មត៌កប្រាក់តម្កល់ ប៉ុន្តែគេមិនដឹងតម្លៃប៉ុម្មាននោះទេ។
លោកស្រី Imee Marcos មិនបានប្រកាសទ្រព្យសម្បត្តិតម្កល់ទុកនៅក្រៅប្រទេសនោះតាមច្បាប់រដ្ឋតម្រូវទេ។
អង្គភាពប្រឆាំងអំពើពុករលួយរបស់ហ្វ៊ីលីពីន ដែលកំពុងតែតាមដានទៅលើប្រាក់ប្រមាណ៥ពាន់លានដុល្លារដែលឪពុក របស់លោកស្រីបានកេងប្រវ័ញ្ចរយៈពេល២០ឆ្នាំក្នុងតំណែងប្រធានាធិបតី នោះ កំពុងតែចាប់អារម្មណ៍និងចង់ដឹងថាប្រាក់របស់លោកស្រី Imee Marcos លាក់នៅក្រៅប្រទេសនោះ ជាផ្នែកនៃប្រាក់របស់ឪពុកដែរឬយ៉ាងណា៕ (Radio Australia)