រថយន្តបុករះម៉ូតូ២គ្រឿងរងរបួសធ្ងន់ស្រាល ៤នាក់
Cambodia News
ភ្នំពេញ ៖ កាលពីវេលាម៉ោង១២និង៣០នាទីថ្ងៃត្រង់ ថ្ងៃទី៣ ខែមេសា រថយន្ដម៉ាករ៉ង់រ៉ូវ៉ែ បានរេចង្កូតបុករះម៉ូតូ២គ្រឿងពេញទំហឹង នៅតាមបណ្ដោយផ្លូវព្រះនរោត្ដម ចំណុចមុខផ្ទះថៅកែស្រាបៀរថៃហ្គ័រ ក្នុងសង្កាត់បឹងកេងកងទី១ ខណ្ឌចំការមន បណ្ដាលឱ្យ មនុស្ស៤នាក់រងរបួសធ្ងន់និងស្រាល ។
តាមសេចក្ដីរាយការណ៍បានឱ្យដឹងថា រថយន្ដបង្កម៉ាករ៉ង់រ៉វ៉ែ ពណ៌ស ពាក់ស្លាកលេខភ្នំពេញ 2Z-4445 អ្នកបើកបរអត់ ស្គាល់អត្ដសញ្ញាណ ។
ប្រភពពន្ដថា មុនពេលកើតហេតុរថយន្ដបង្កបានបើកតាមបណ្ដោយផ្លូវព្រះនរោត្ដម ក្នុងទិសដៅពីជើងទៅ ត្បូង លុះមកដល់ចំណុចកើតហេតុ ក៏បានរេចង្កូតបុកម៉ូតូ១គ្រឿងម៉ាកស្មាសរីវ៉ូជិះគ្នា៣នាក់ និងបន្ដទៅបុកម៉ូតូម៉ាកហុងដេ សេ១២៥ មួយគ្រឿងទៀត បណ្តាលឲ្យដួលមនុស្សដេករដូករណែល។ ក្រោយកើតហេតុម្ចាស់រថយន្ដបង្កបាត់រត់គេច ខ្លួនបាត់ ដោយបន្សល់រថយន្ដនៅកន្លែងកើតហេតុ ៕ ហេង នាង
