សមត្ថកិច្ចចុះឆែកឆេរបន្ទប់សណ្ឋាគារមិត្ដភាពឃាត់ខ្លួនជនសង្ស័យ ២នាក់
Cambodia News
ភ្នំពេញ ៖ កាលពីរសៀលថ្ងៃទី៣ ខែមេសា សមត្ថកិច្ចបាន ចុះឆែកឆេរបន្ទប់នៃសណ្ឋាគារ មិត្ដភាពនៅបន្ទប់លេខ២១៣ ជាន់ទី២ ឋិតនៅតាមបណ្ដោយផ្លូវព្រះមុនីវង្ស សង្កាត់បឹងរាំង ខណ្ឌដូនពេញ ក៏បានឃាត់ខ្លួនជនសង្ស័យ២នាក់ ១ឈ្មោះ សាប់ ចាវ ភេទប្រុស អាយុ៣២ឆ្នាំ និង ២ឈ្មោះ ដុង ស៊ីជុន ភេទប្រុស អាយុ១៩ឆ្នាំ ជានិស្សិត រស់នៅភូមិរាជានុកូល សង្កាត់-ក្រុងខេត្ដ ស្ទឹងត្រែង ។
សមត្ថកិច្ចនគរបាលរាជធានីភ្នំពេញ បានចុះឆែកឆេរបន្ទប់នៃសណ្ឋាគារ មិត្ដភាព សង្ស័យថាមានករណីបង្ខាំងមនុស្សខុសច្បាប់ ដែលដឹកនាំដោយលោក បែន រ័ត្ន ស្នងការរងស្នងការដ្ឋាននគរបាលរាជ ធានីភ្នំពេញ និងតំណាងអយ្យការ។
បើទោះជាមានករណីឃាត់ខ្លួន ជនសង្ស័យ២រូបខាងលើអាចពាក់ព័ន្ធករណីបង្ខាំងមនុស្សខុសច្បាប់ ប៉ុន្ដែមកទល់នឹងពេលនេះ មិនទាន់មានព័ត៌មានលំអិតណាមួយបញ្ជាក់ថា ជនរងគ្រោះត្រូវបានជនសង្ស័យបង្ខាំង ឬមួយយ៉ាងណានោះឡើយ ដោយឋិតក្នុង ការសាកសួរនិងស៊ើបអង្កេតពីសមត្ថកិច្ច៕ ហេង នាង
