មន្ដ្រីក្រសួងបរិស្ថានស្រវឹងបើករថយន្ដទៅបុកក្រុមហ៊ុនលក់គ្រឿងសង្ហារឹម
Cambodia News
ភ្នំពេញ ៖ កាលពីវេលាម៉ោងប្រមាណជិត៣ឈានចូលថ្ងៃទី២ ខែមេសា ស្ដ្រីម្នាក់ដែលគេដឹងថា បម្រើការងារនៅក្រសួងបរិស្ថាន បានបើករថយន្ដបង្កគ្រោះថ្នាក់ចរាចរបុកដើមក្ងោក ហើយបន្ដទៅបុកទ្វារក្រុមហ៊ុនលក់គ្រឿងសង្ហារឹមមួយនៅផ្ទះលេខ 7D, 8D នៅតាមមហាវិថីសហព័ន្ធរុស្ស៊ី ឋិតក្នុងសង្កាត់កាកាប ខណ្ឌពោធិ៍សែនជ័យ ទើបរថយន្ដទៅ មុខលែងរួច ដោយសារសារស្រវឹងស្រា។
តាមប្រភពពីនគរបាលចរាចរដែលចុះ វាស់វែងកន្លែងកើតហេតុ បានឱ្យដឹងថា រថយន្ដបង្កម៉ាកតាកូម៉ា កាមរី ពណ៌ស ពាក់ស្លាកលេខភ្នំពេញ 2U-6335 បើកបរដោយឈ្មោះ ទូច លក្ខិណា ភេទស្រូ អាយុ២៤ឆ្នាំ ជាមន្ដ្រីបម្រើការងារនៅ ក្រសួងបរិស្ថាន មានទីលំនៅភូមិត្រញំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
ក្នុងហេតុការណ៍នេះបង្កឱ្យបាក់ ដើមក្ងោក១ដើម, ប្រាក់ទ្វាររមូរ១, ប្រេះសសរ១ និងសម្ភារមួយចំនួនទៀត ចំណែករថយន្ដខូចខាតស្ទើរទាំងស្រុង ៕ ហេង នាង
