ខណៈកំពុងជិះម៉ូតូត្រូវរថយន្តក្រឡុកស៊ីម៉ង់បើកបុករងរបួសធ្ងន់
Cambodia News
ភ្នំពេញ៖ កាលពីវេលាម៉ោង ២១និង២០នាទីយប់ ថ្ងៃទី៣០ ខែមិនា រថយន្តក្រឡុកស៊ីម៉ង់មួយគ្រឿង ដែលបើកជ្រុលទៅបុកម៉ូតូមួយគ្រឿងបណ្តាលឲ្យ បុរសជាម្ចាស់ម៉ូតូរងរបួសដាច់ដៃហូរឈាមស្រោចខ្លួន ស្ថិតនៅក្នុងមជ្ឈមណ្ឌលកោះពេជ្រ សង្កាត់ទន្លេបាសាក់ ខណ្ឌចំការមន។
មុនពេលកើតហេតុ ជនរងគ្រោះបានជិះម៉តូចូលទៅក្នុងមជ្ឈមណ្ឌលកោះពេជ្រ ក្នុងទិសដៅពីលិចទៅកើត ខណៈទៅដល់ចំណុចមុខខ្លោងទ្វាបុរីវិរះជន ក៏ត្រូវរថយន្តក្រឡុកស៊ីម៉ង់មួយគ្រឿង ដែលបើកលឿនជ្រុលទៅបុកម៉ូតូស្មាសរេវ៉ូ ពណ៌ខៀវ ពាក់ស្លាកលេខ ភ្នំពេញ 1P-6435 ពេញទំហឹងតែម្តង ហើយរថយន្តបន្តបើកកិនពីលើម៉ូតូនិងដៃបុរស រងគ្រោះ បណ្តាលឲ្យរងរបួសដាច់ដៃហូរឈាមស្រោចខ្លួន បញ្ជូនទៅសង្គ្រោះនៅមន្ទីរពេទ្យភ្លាមៗ។
សមត្ថកិច្ចបានឲ្យដឹងថា ក្រោយពីកើតហេតុ គឺភាគីរថយន្តក្រឡុកស៊ីម៉ង់ បានចេញសងថ្លៃខូចខាត និងព្យាបាលរបួសទៅភាគីរងរងគ្រោះទាំងស្រុងតែម្តង៕ ហេង នាង
