បក្សប្រឆាំងអូស្ត្រាលីសុំឲ្យរដ្ឋាភិបាលស្នើទៅប្រជាជាតិដទៃទៀតឲ្យបញ្ឈប់ទម្លាក់តម្លៃរូបិយប័ណ្ណរបស់ខ្លួន
លោក Joe Hockey អ្នកនាំពាក្យផ្នែកផែនការថវិកានៃបក្សប្រឆាំងអូស្ត្រាលីកំពុងតែទទូច សុំឲ្យរដ្ឋាភិបាលស្នើទៅប្រជាជាតិដទៃទៀតឲ្យព្យាយាមបញ្ឈប់ទម្លាក់ តម្លៃរូបិយប័ណ្ណរបស់ខ្លួន។
វិស័យ ជាច្រើននៃ សេដ្ឋកិច្ចអូស្រ្តាលី ជាពិសេសវិស័យទេសចរណ៍ និងផលិតកម្ម កំពុងតែជួបនឹងការលំបាកដោយសារប្រាក់ដុល្លារអូស្ត្រាលីមានតម្លៃ ខ្ពស់ បើប្រៀបធៀបទៅនឹងរូបិយប័ណ្ណដទៃទៀតនៅលើពិភពលោក។
លោក Joe Hockey និយាយថា លោករដ្ឋមន្រ្ដីផែនការថវិកាអូស្ត្រាលីគួរតែស្នើសុំឲ្យប្រជាជាតិ ដទៃទៀតរិះរកវិធីផ្សេងទៀតដើម្បីដោះស្រាយបញ្ហារូបិយប័ណ្ណនេះ។
លោកថា លោករដ្ឋមន្រ្ដីផែនការថវិការអូស្ត្រាលីគួរតែនិយាយទៅកាន់ប្រទេសទាំងឡាយនោះថា ល្មមឈប់ទម្លាក់តម្លៃប្រាក់របស់ខ្លួនហើយ ពីព្រោះប្រទេសអូស្រ្តាលី និងប្រទេសកាណាដាជាដើម កំពុងតែខាតបង់សម្បើមណាស់៕ (Radio Australia)