សមត្ថកិច្ចឃាត់ខ្លួនយុវជន ៣នាក់ ពីបទប្រើប្រាស់គ្រឿងញៀន
Cambodia News
ភ្នំពេញ៖ កាលពីម៉ោង១៣និង៤០នាទីរសៀល ថ្ងៃទី២៦ ខែមីនា ឆ្នាំ២០១៣ សមត្ថកិច្ចប៉ុស្តិ៍ដូនពេញ ចេញប្រតិបត្តិការណ៍ឃាត់ខ្លួនជនសង្ស័យ ៣នាក់ ពីបទប្រើប្រាស់គ្រឿងញៀន ត្រង់ចំណុចផ្ទះលេខ134KED ស្ថិតនៅតាមផ្លូវលេខ១១៨ ក្នុងសង្កាត់ផ្សារចាស់ ខណ្ឌដូនពេញ។
ប្រភពព័ត៌មានពីសមត្ថកិច្ចបានឲ្យដឹងថា មុនចុះប្រតិបត្តិការណ៍ នាយផ្នែកប៉ុស្តិ៍ដូនពេញ ត្រូវបានគេរាយការណ៍ឲ្យថា មានយុវជន៣នាក់ កំពុងប្រើប្រាស់គ្រឿងញៀន នៅត្រង់ចំណុចខាងលើ។
ក្រោយពីបានដំណឹងដូច្នេះ សមត្ថកិច្ចប៉ុស្តិ៍ដូនពេញក៏ចេញប្រតិបត្តិការណ៍ឃាត់ខ្លួនបាន ជនសង្ស័យ៣នាក់នៅនឹងកន្លែងតែម្ដង( ផ្ទះលេខ១៣៤ ក្នុងបន្ទប់ទឹក )។បច្ចុប្បន្នជនសង្ស័យទាំង៣នាក់ សមត្ថកិច្ចប៉ុស្តិ៍ដូនពេញ បញ្ចូនទៅអធិការដ្ឋានខណ្ឌដូនពេញ ដើម្បីដោះស្រាយបន្ត៕ ហេង នាង
