បុរសម្នាក់ស្រវឹងបើករថយន្តបុកយុវជនបីនាក់រងរបួសធ្ងន់
Cambodia News
ភ្នំពេញ៖ កាលពីវេលាម៉ោង ២០នឹង៥០ នាទីយប់ថ្ងៃទី២៧ ខែមិនា យុវជនបីនាក់ ជិះម៉ូតូសេ១១០ មួយគ្រឿងឌុបគ្នា ហើយត្រូវបុរសម្នាក់ស្រវឹងស្រាបើករថយន្តឡិចស៊ីសបុកពេញទំហឹងនៅ ចំណុចមុខស្ព័តក្លឹប តាមបណ្តោយផ្លូវ២៧១ សង្កាត់ទួលទំពូងទី២ ខណ្ឌចំការមន បណ្តាលឲ្យរងរបួសធ្ងន់ធ្ងរទាំងបីនាក់ដោយមានអ្នកខ្លះបាក់ដៃ អ្នកខ្លះបាក់ជើងនឹងបែកក្បាល។
សមត្ថកិច្ចបានឲ្យដឹងមុនពេលកើតហេតុសាក្សីបានឃើញយុវជនបីនាក់ វ័យជាង២០ឆ្នាំ បាជិះម៉ូតូមួយគ្រឿងម៉ាកសេ១១០ ពណ៍ខ្មៅ ពាក់ស្លាកលេខភ្នំពេញ 1BF 9956 ក្នុងទិសដៅពីជើងទៅត្បូង ខណះជិះដល់កន្លែងហេតុស្រាប់តែមាន បុរសម្នាក់បានបើករថយន្តមួយគ្រឿងម៉ាកលិចស៊ីសពណ៍ស្ករ ពាក់ស្លាកលេខ ភ្នំពេញ 2J 4563 បើកបរក្នុងទិសដៅបញ្ច្រាសទិសគ្នាជាមួយម៉ូតូ ហើយពេលនេះអ្នកបើក រថយន្តបង្កហេតុបានរេចង្កូតមកបុករះម៉ូតូសេ ១១០ របស់និស្សិតបីនាក់ដែលកំពុងជិះឌុបគ្នា ពេញទំហឹងតែម្តង បណ្តាលឲ្យនិស្សិតបីនាក់ ខាងលើនេះត្រូវរងរបួសធ្ងន់ធ្ងរទាំងបីនាក់ដោយមានអ្នកខ្លះបាក់ដៃ អ្នកខ្លះបាក់ជើងនឹងបែកក្បាលត្រូវបញ្ជូនទៅសង្គ្រោះនៅមន្ទីរពេទ្យ ភ្លាមៗ។
ចំណែករថយន្តបង្កហេតុបានព្យាយាមបើករត់គេចទាំងកង់មុខរថយន្តផ្នែក ខាងស្តាំបែក រហូតបើកដល់ចំណុចផ្លូវលេខ១៥៥កែងផ្លូវលេខ៤៦០ក៏ត្រូវសមត្ថកិច្ច មូលដ្ឋានប៉ុស្តិ៍ទួលទំពូង ទី ២ដេញឃាត់ជាប់ ប៉ុន្តែម្ចាស់រថយន្តបានចុះរត់គេចខ្លួនទុករថយន្តចោល។
ក្រោយពីកើតហេតុសមត្ថកិច្ចមូលដ្ឋានបានសហការជាមួយសមត្ថកិច្ចចុះមក វាស់វែងអូសយករថយន្តបង្កហេតុនឹងម៉ូតូរបស់និស្សិតរងគ្រោះទៅ រក្សាទុកនៅការិយាល័យចរាចរណ៍ជើងគោករាជធានីភ្នំពេញដើម្បីរងចាំ ដោះស្រាយតាមផ្លូវច្បាប់៕ ហេង នាង
