ព្រះមហាក្សត្រគឺជាក្តីរំពឹងចុងក្រោយរបស់អ្នកភូមិបឹងកក់
Cambodia News
ភ្នំពេញ៖ ក្រុមអ្នកតវ៉ាបានផ្ទុះកំហឹងដែលនាំឲ្យកំណាត់ផ្លូវសុធារសមិន អាចធ្វើចរាចរណ៍បាន ហើយពួកគេបានដុតជញ្ជីញយុត្តិធម៌ចោល មុននឹងលើកគ្នាទៅមុខព្រះបរមរាជវាំងដើម្បីសុំអន្តរាគមន៍ពី ព្រះមហាក្សត្រដែលទើបតែយាងពីទីក្រុងប៉េកាំងកាលពីរសៀលថ្ងៃអង្គារម្សិលមិញ បន្ទាប់ពីដឹងថា តុលាការកំពូលបានកម្កល់សាលក្រមរបស់តុលាការរាជធានីភ្នំពេញដោយរក្សា ការដាក់ទោស អ្នកស្រី យ៉ោម បុប្ឆា រយៈពេល៣ឆ្នាំ ។
កាលពីថ្ងៃទី២៧ ខែ មីនា ឆ្នាំ២០១៣ ចៅក្រមសាលាជំនុំជម្រះតុលាការកំពូលបានបើកសវនាការសាធារណលើបណ្តឹងព្រហ្មទណ្ឌទាក់ទងនឹងអ្នកស្រី យោម បុប្ផា ដែលទាមទារឲ្យតុលាការ កំពូលដោះលែងរូបខ្លួន ព្រមទាំងមានអ្នកគាំទ្រប្រមាណ១០០នាក់ នៅរបងតុលាការកំពូល។
បន្ទាប់ពីដំណើរការសវនការពេញមួយព្រឹក លោក ឃឹម ប៉ុណ្ណ ប្រធានក្រុមប្រឹក្សាជំនុំជម្រះតុលាការកំពូលបានសម្រេចតំកល់សាលក្រម សាលាដំបូងរាជធានីភ្នំពេញ និង សាលដីកាសាលាឧទ្ធរណ៏ទុកជាបានការដដែលពុំបាន សម្រេចដោះលែងជនជាប់ចោទ យោម បុប្ផា តាមការទាមទារនោះទេ៕
