បើករថយន្តបុកគូទរថយន្តក្រុង ហើយដកកាំភ្លើងបាញ់មួយគ្រាប់គំរាមទារសំណង
Cambodia News
ភ្នំពេញ៖ កាលពីម៉ោង២២និង៣០នាទីយប់ ថ្ងៃទី២១ ខែមីនា លោកស័ក្ដិ៤ម្នាក់ បើករថយន្ត ទៅបុកគូថរថយន្តក្រុងរបស់ក្រុមរបស់ហ៊ុនពន្លឺអង្គរ នៅលើកំណាត់ផ្លូវជាតិលេខ៥ ក្នុងក្រុមទី១៤ ភូមិផ្សារតូច សង្កាត់ទួលសង្កែរ ខណ្ឌឬស្សីកែវ ហើយដកកាំភ្លើងខ្លីបាញ់ដីមួយគ្រាប់ គំរាមទារសំណង។
ប្រភពព័ត៌មានពីសមត្ថកិច្ចបានឲ្យដឹងថា មុនកើតហេតុ រថយន្តក្រុងដែលមានផ្ទុកអ្នកដំណើរពេញ ឈប់ចតនៅកន្លែងកើតហេតុ ដោយសារខូចដាក់លេខមិនចូល ចំណែកជនបង្កបើករថយន្តម៉ាក់camaryឆ្លាម ពណ៌ទឹកប្រាក់ ពាក់ស្លាក់លេខភ្នំពេញ 2P-1895 បានក្នុងលឿន ទៅបុករថយន្តក្រុងពីក្រោយពេញទំហឹងតែម្ដង។
បន្ទាប់ពីកើតហេតុ បុរស ដែលជាម្ចាស់រថយន្តម៉ាក់camaryឆ្លាម ឈ្មោះ ឯម បាណាន អាយុ៣៤ឆ្នាំ ជាមន្ត្រីនគរបាលពាក់ស័ក្ដិ៤ បានចុះពីលើរថយន្ត កាន់កាំភ្លើងខ្លីម៉ាកK54 បាញ់ដីមួយគ្រាប់ គំរាមអ្នកបើកបររថយន្តក្រុង ឲ្យសងការខូចខាតរថយន្តរបស់ខ្លួន។
ក្រោយពីផ្ទុះអាវុធ សមត្ថកិច្ចប៉ុស្តិ៍ទូលសង្កែរ បានចុះទៅអន្តរាគមន៍ដល់កន្លែង ឃាត់ខ្លួនជនបង្ក និងកាំភ្លើងខ្លីម៉ាកK54 ព្រមទាំងរថយន្តម៉ាកCamery ឆ្លាម បញ្ជូនទៅអធិការដ្ឋានខណ្ឌឬស្សីកែវ៕ ហេង នាង
