ស្លាប់ ៩ នាក់ របួសធ្ងន់ស្រាល ១៨ នាក់ ដោយគ្រោះថ្នាក់ចរាចរ នៅថ្ងៃទី១៩ មីនា
Cambodia News
ភ្នំពេញ ៖ ថ្ងៃទី១៩ ខែមីនា ឆ្នាំ២០១៣ មានករណីគ្រោះថ្នាក់ចរាចរនៅទូទាំងប្រទេសកើតឡើង ១១លើក (យប់ ៩លើក) បណ្តាលឲ្យមនុស្សស្លាប់ ៩នាក់ (ស្រី ម្នាក់) របួសធ្ងន់ ៧នាក់ (ស្រី ២នាក់) របួសស្រាល ១១នាក់ (ស្រី ម្នាក់) នេះ បើតាមការឲ្យដឹងពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិ។
នៅក្នុងគ្រោះថ្នាក់ចរាចរណ៍ទាំង ១១លើក បានបង្កឲ្យខូចខាតយានយន្តសរុប ១១គ្រឿង ក្នុងនោះម៉ូតូ ៧គ្រឿង រថយន្តធុនតូច ២គ្រឿង រថយន្តធុនធំ១គ្រឿង និងកង់ ១គ្រឿង។
មូលហេតុដែលបង្កឲ្យមានករណីគ្រោះថ្នាក់ចរាចរ គឺបណ្តាលមកពីអ្នកបើកបរល្មើសល្បឿនកំណត់ ៨លើក មិនគោរពសិទ្ធអាទិភាព ១លើក មិនប្រកាន់ស្តាំ ២លើក ប្រជែងគ្រោះថ្នាក់ ២លើក ស្រវឹង ១លើក ក្នុងនោះគ្រោះថ្នាក់ជិះម៉ូតូមិនពាក់មួកសុវត្ថិភាព ៥នាក់ (យប់ ៤នាក់)៕
