កម្ពុជាបានបង្កើតជាផ្លូវការនូវក្រុមប្រឹក្សាជាតិអភិវឌ្ឍបៃតង
Cambodia News
ភ្នំពេញ៖ នៅថ្ងៃទី១៩ ខែមិនា ឆ្នាំ២០១៣ ប្រទេស កម្ពុជាបានបង្កើតជាផ្លូវការនូវក្រុមប្រឹក្សាជាតិអភិវឌ្ឍបៃតង និងអគ្គលេខាធិការដ្ឋាននៃក្រុមប្រឹក្សាជាតិអភិវឌ្ឍបៃតង ដើម្បីឆ្លើយតបទៅនឹងការចង់បានរបស់អង្គការសហប្រជាជាតិ។
ថ្លែងនៅក្នុងពិធីសម្ពោធ ដែលធ្វើឡើងនៅវិមានសន្តិភាព លោកនាយករដ្ឋមន្រ្តី ហ៊ុន សែន បានបញ្ជាក់ថាក្រុមប្រឹក្សានេះនឹងក្លាយជាយន្តការគ្រឹះឆ្លើយតប ទៅនឹងគោលការណ៍សេដ្ឋកិច្ចបៃតងរបស់អង្គការសហប្រជាជាតិ ដោយផ្តោតលើកិច្ចការពារបរិស្ថាន ការអភិវឌ្ឍសេដ្ឋកិច្ច និងការកាត់បន្ថយភាពក្រីក្រដែលអង្គការសហប្រជាជាតិបានប្រជុំសម្រេច យកគោលការណ៍នេះនៅក្នុងសន្និសីទកំពូលភពផែនដី Rio-20 នៅប្រទេសប្រេស៊ីល។
យ៉ាង ណាក៏ដោយ លោកនាយករដ្ឋមន្រ្តីសង្ឃឹមថាកម្ពុជានឹងដើរតួឈានមុខគេ និងជាគំរូក្នុងការអនុវត្តគោលនយោបាយអភិវឌ្ឍបៃតងសហប្រជាជាតិ នៅក្នុងបណ្តាប្រទេសអាស៊ាន និងអាស៊ីប៉ាស៊ីហ្វិក៕
