ពលរដ្ឋកូរ៉េខាងត្បូងមិនព្រមជម្លៀសខ្លួនពីកោះនៅក្បែរព្រំដែនកូរ៉េខាងជើង
ពលរដ្ឋរស់នៅលើកោះរបស់កូរ៉េខាងត្បូង មួយដែលមានទីតាំងស្ថិតនៅ ជិតព្រំដែនជាមួយកូរ៉េខាងជើងដែលកំពុងមានភាពតានតឹងនោះ បានទាត់ចោលនូវការព្រមានពីក្រុងព្យុងយ៉ាងដែលបានប្រាប់ឲ្យពួក គេនាំគ្នាចាកចេញពីកោះនោះមុនការវាយប្រហាររបស់កូរ៉េខាងជើង។
វ៉ិបសាយថ៍ផ្លូវការរបស់កូរ៉េខាងជើងបានប្រាប់ពលរដ្ឋនៅ កម្រងកោះ៥នៅប៉ែកខាងត្បូងនៃព្រំដែនរវាងកូរ៉េទាំងពីរឲ្យចាកចេញ ពីលំនៅដ្ឋានរបស់ខ្លួន ដោយចេញការព្រមានថា នឹងមានលទ្ធផលសោកនាដកម្មជាច្រើន ប្រសិនបើភាពតានតឹងនៅតាមព្រំដែនឈានដល់ដំណាក់កាលបាញ់ប្រហារគ្នា ពេញទំហឹងនោះ។
ប៉ុន្ដែមន្រ្ដីមូលដ្ឋានបានឲ្យដឹងថា ការគំរាមចុងក្រោយនេះមិនបានបណ្ដាលឲ្យពលរដ្ឋប្រមាណ៥ពាន់នាក់នៅ កម្រងកោះនោះមានការភិតភ័យឡើយ។
មន្រ្ដីកូរ៉េក៏បានឲ្យដឹងផង ដែរថា គេមិនឃើញមានសញ្ញាស្លន់ស្លោ ឬការជម្លៀសខ្លួនរបស់ពលរដ្ឋក្នុងទ្រង់ទ្រាយធំទេ ប៉ុន្ដែអាជ្ញាធរបានតៀមរៀបចំកន្លែងជ្រកកោនក្រោមដីនិងស្បៀង រួចហើយ ហើយថែមទាំងបាននាំគ្នាធ្វើការហាត់ជម្លៀសខ្លួនជារៀងរាល់ថ្ងៃ ផងដែរ ដើម្បីត្រៀមក្រែងមានព្រឹត្ដិ ការណ៍វាយប្រហារណាមួយ៕ (Radio Australia)