ប្រធានាធិបតីវ៉េណេស៊ុយអេឡាទទួលអនិច្ចកម្ម
ពលរដ្ឋនៃប្រទេសវ៉េណេស៊ុយអេឡារាប់ពាន់ នាក់កំពុងតែនាំដើរតាមផ្លូវ នានាក្នុងក្រុងការ៉ាកាស ក្រោយពីមានការប្រកាសឲ្យដឹងថា លោក Hugo Chavez ប្រធានា ធិបតីនៃប្រទេសនេះបានទទួលអនិច្ចកម្មដោយរោគាពាធ។
លោក Ban Ki Moon អគ្គលេខាធិការអង្គការសហប្រជាជាតិបានចូលរួមរំលែកមរណទុក្ខរបស់ ក្រុមគ្រួសារប្រធានាធិបតី និងប្រជាពលរដ្ឋវ៉េណេស៊ុយអេឡា។ ក្រៅពីនេះ លោកអគ្គលេខាធិការអង្គការសហប្រជាជាតិក៏បានលើកឡើងអំពីកេរតំណែល សំខាន់ៗរបស់លោក Hugo Chavez ផងដែរ។
មេដឹកនាំរបបសង្គមនិយមរូប នេះ ជាញឹកញយតែងតែបានប៉ះទង្គិចជាមួយសហរដ្ឋអាម៉េរិក។ យ៉ាងណាក៏ដោយ លោក Barack Obama ប្រធានាធិបតីអាម៉េរិកបានធ្វើការបញ្ជាក់ឡើងវិញអំពីការគាំទ្ររបស់ អាម៉េរិកចំពោះពលរដ្ឋវ៉េណេស៊ុយអេឡា រួមទាំងការធ្វើឲ្យមានទំនាក់ទំនងស្ថាបនារវាងរដ្ឋាភិបាលទាំងពីរ ប្រទេស។
លោក Barack Obama សង្ឃឹមថា អាម៉េរិកអាចចាប់ផ្ដើមទំនាក់ទំនងថ្មីមួយជាមួយនឹងប្រទេសនេះ ក្រោយពីមរណភាពរបស់លោក Hugo Chavez នេះទៅ៕ (Radio Australia)
