អត្រាភាពក្រីក្រនៅកម្ពុជា នឹងធ្លាក់ចុះមកត្រឹម ១៩ភាគរយក្នុងឆ្នាំ២០១៣
ភ្នំពេញ៖ ថ្លែងននៅក្នុងសិក្ខាសាលា រួមគ្នាលើកទី៤ រវាងសភាកម្ពុជា ឡាវ និងវៀតណាម ស្តីពី «តួនាទីសភាក្នុងការរៀបចំថវិកាជាតិ: ការលើកកម្ពស់ការត្រួតពិនិត្យថវិកាតាមរយៈការពង្រឹងអភិបាលកិច្ចល្អ» នាវិមានរដ្ឋសភាកម្ពុជា នៅព្រឹកថ្ងៃទី៤ ខែមីនា ឆ្នាំ២០១៣ លោក ហេង សំរិន ប្រធានរដ្ឋសភា បានមានប្រសាសន៍ថា ក្នុងឆ្នាំ២០១៣នេះ អត្រានៃភាពក្រីក្រ របស់ពលរដ្ឋកម្ពុជា នឹងធ្លាក់ចុះមកត្រឹម ១៩ភាគរយ។
លោកបានថ្លែងបន្តថា ដែលប្រការនេះ បានជំរុញឲ្យកម្ពុជា បានទទួលចំណាត់ថ្នាក់ទី១៥ នៃប្រទេសដែលទទួល បានកំណើនសេដ្ឋកិច្ច ខ្ពស់នៅលើពិភពលោក ក្នុងរយៈពេល១០ឆ្នាំ ចុងក្រោយនេះ។
លោកបានបន្ថែមថា ប្រការនេះហើយដែលបានជម្រុញឲ្យប្រទេសកម្ពុជា ទទួលបានចំណាត់ថ្នាក់ទី១៥ ដែលទទួលបានកំណើនសេដ្ឋកិច្ចខ្ពស់នៅលើពិភពលោក ក្នុងរយៈពេល១០ឆ្នាំចុងក្រោយ និងជាប្រទេស ស្ថិតនៅក្នុងចំណាត់ថ្នាក់ទី៥ ក្នុងចំណោមប្រទេសកំពុងអភិវឌ្ឍ ដែលនឹងអាចសម្រេចបាននូវគោលដៅ អភិវឌ្ឍសហសវត្សរ៍ ព្រមទាំងជាប្រទេសចំណាត់ថ្នាក់ទី១ នៅអាស៊ីប៉ាស៊ីហ្វិកដែលសម្រេចបាននូវល្បឿន ក្នុងការកែលម្អសួចនាករផ្នែកសង្គមកិច្ច។
លោក ហេង សំរិន បានធ្វើការពន្យល់ថា សមិទ្ធិផលដែលសម្រេចបានខាងលើនេះជាផ្នែកមួយស្តែងចេញពីការអនុវត្តគោលនយោបាយ និងការគ្រប់គ្រងថវិកាជាតិ ត្រូវបានកែលម្អ និងពង្រឹងជាបណ្តើរៗ ដែលការគ្រោងតម្រូវការ នៃការចំណាយកាន់តែមានភាពសុក្រិត និងផ្សារភ្ជាប់ទៅនឹងគោលនយោបាយអាទិភាពព្រមទាំងការប្រើប្រាស់ថវិកាជាតិ កាន់តែមានភាពសក្តិសិទ្ធិ និងប្រសិទ្ធភាព៕
