គ្រោះថ្នាក់ចរាចរក្នុងថ្ងៃទី២៥ កុម្ភៈ ស្លាប់មនុស្ស ៣នាក់ រងរបួសធ្ងន់ និង ស្រាល ២០នាក់
ភ្នំពេញ ៖ តាមការឲ្យដឹងពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិ ករណីគ្រោះថ្នាក់ចរាចរ កើតឡើងនៅទូទាំងប្រទេស ១៥លើក (យប់ ៨លើក) កាលពីថ្ងៃទី២៥ ខែកុម្ភៈ ឆ្នាំ២០១៣ក ន្លងទៅនេះ បណ្ដាលឲ្យមនុស្សស្លាប់ ៣នាក់ (ស្រី២នាក់) របួសធ្ងន់ ១១នាក់ (ប្រុស) របួសស្រាល ៩នាក់ (ស្រីម្នាក់) ។
យោងតាម របាយការណ៍ពីនាយកដ្ឋានសណ្ដាប់ធ្នាប់ នៃអគ្គស្នងការដ្ឋាននគរបាលជាតិបានឲ្យដឹងថា នៅក្នុងគ្រោះថ្នាក់ចរាចរទាំង ១៥លើក បានបង្កឲ្យមានការខូចខាតយានយន្តសរុប ២៣គ្រឿង ក្នុងនោះម៉ូតូ ១២គ្រឿង រថយន្តធុនតូច ១១គ្រឿង និង ថ្មើរជើងម្នាក់។
មូលហេតុដែលបណ្តាលឲ្យមានករណីគ្រោះថ្នាក់កើតឡើង គឺបណ្តាលមកពីអ្នកបើកបរល្មើសល្បឿនកំណត់ ៤លើក មិនគោរពភ្លើងសញ្ញា ៣លើក ប្រជែងគ្រោះថ្នាក់ ៣លើក បត់គ្រោះថ្នាក់ ២លើក ស្រវឹង ៣លើក ក្នុងនោះគ្រោះថ្នាក់ជិះម៉ូតូមិនពាក់មួកសុវត្ថិភាព ១១នាក់ (យប់ ៣នាក់)៕
